ఆగస్టు 6న విడుదలకు ‘ఎస్.ఆర్ కళ్యాణ మండపం’ సిద్దం

Posted: 07/28/2021 06:44 PM IST

Sr kalyana mandapam trailer promising commercial entertainer

తెలుగు ప్రేక్షకులను పలకరించడానికి ఎమోషన్స్ తో కూడిన మరో ప్రేమకథ రూపొందింది.. ఆ సినిమా పేరే 'ఎస్.ఆర్. కల్యాణమండపం'. కిరణ్ అబ్బవరం హీరోగా నటించిన ఈ సినిమాలో ఆయన జోడీగా ప్రియాంక జవాల్కర్ అలరించనుంది. శ్రీధర్ దర్శకత్వం వహించిన ఈ సినిమాకి, చైతన్ భరద్వాజ్ సంగీతాన్ని సమకూర్చాడు. ఇప్పటికే ఈ సినిమా నుంచి వదిలిన టీజర్ కి .. సాంగ్స్ కి మంచి రెస్పాన్స్ వచ్చింది. తాజాగా ఈ సినిమా నుంచి ట్రైలర్ ను వదిలారు.

ఇది తండ్రీకొడుకుల అనుబంధం ప్రధానంగా సాగే కథ అని తెలుస్తోంది. అలాగే మరో వైపున తాను ఇష్టపడిన అమ్మాయి ప్రేమను పొందడానికి హీరో ఏం చేశాడనే ఆసక్తికరమైన మలుపుల చుట్టూ ఈ కథ తిరుగుతుందని తెలుస్తోంది. ఈ సినిమాలో హీరో తండ్రి పాత్రలో సాయికుమార్.. తల్లి పాత్రలో తులసి నటించారు. ఇతర ముఖ్య పాత్రల్లో తనికెళ్ల భరణి, శ్రీకాంత్ అయ్యంగార్ కనిపిస్తున్నారు.

లవ్ .. యాక్షన్ ... ఎమోషన్ తో కూడిన ఈ సినిమాను, కరోనా రెండవ దశ ముగించుకుని సినిమా ధియేటర్లు తెరుచుకోనున్న నేపథ్యంలో రెండో వారంలో విడుదల చేయాలని నిర్ణయించారు సినిమా యూనిట్. అంటే ఆగస్టు 6వ తేదీన విడుదల చేయనున్నారు. ఈ సినిమాలో కిరణ్ అబ్బవరం రాయలసీయ యాసకు ప్రేక్షకులు ఇప్పటికే ఫిదా అవుతున్నారు. కాగా, నటిమణి ప్రియాంక జవాల్కర్ కెరియర్ కి ఎంతవరకూ హెల్ప్ అవుతుందో వేచిచూడాలి.