చరిత్రలో సుఖపడని వారు ఎవరో వివరంగా చెప్పిన సాయ్ ధరమ్ తేజ్

Posted: 12/14/2020 05:13 PM IST

Solo brathuke so better movie release on dec 25 featuring sai dharam tej nabha

ప్ర‌తిరోజు పండుగే చిత్రం అందించిన విజయంతో మంచి జోరుమీదున్న టాలీవుడ్ సుప్రీంహీరో సాయి ధ‌ర‌మ్ తేజ్.. కరోనా వైరస్ మహమ్మారి నేపథ్యంలో విధించిన లాక్ డౌన్ అనంతరం అన్ లాక్ తరువాత తెరుచుకున్న సినిమా ధియేటర్లలోకి తన తాజా చిత్రం ‘సోలో బ్ర‌తుకే సో బెట‌ర్’తో ప్రేక్ష‌కుల‌ని అల‌రించ‌డానికి వస్తున్నాడు. శ్రీ వెంకటేశ్వర సినీ చిత్ర పతాకంపై బీవీఎస్‌ఎన్‌ ప్రసాద్‌ నిర్మించిన ఈ చిత్రానికి సుబ్బు దర్శకుడు. నభానటేష్‌ కథానాయిక. ‘వినూత్నమైన పాయింట్ కు చక్కటి భావోద్వేగాలు, వినోదాన్ని జోడిస్తూ దర్శకుడు సుబ్బు అద్భుతంగా ఈ సినిమాను తెరకెక్కించగా, క్రిస్మస్, న్యూఇయర్ వేడుకల నేపథ్యంలో ఈ నెల (డిసెంబ‌ర్) 25న చిత్రాన్ని విడుద‌ల కానుంది

చిత్రానికి సంబంధించి విడుద‌లైన ప్ర‌చార చిత్రాలు ప్రేక్ష‌కుల‌ని ఎంత‌గానో అల‌రించాయి. ఇక మ‌రో వారంలో చిత్రం విడుద‌ల చేయ‌నుండ‌గా, తాజాగా ప్రోమో విడుద‌ల చేశారు. ఇందులో శ్లోకాలు అంటూ ప‌లు విష‌యాలు చెప్పుకొచ్చిన మెగా హీరో థియేట‌ర్ లో 108 శ్లోకాల‌తో సంద‌డి చేయ‌నున్న‌ట్టు తెలుస్తుంది. దక్షిణాది సూపర్ స్టార్ రజనీకాంత్ నరసింహా చిత్రంలో చెప్పిన మాస్ డైలాగ్ ను తిరగేసి తన శ్లోకంగా మార్చేసిన తేజ్.. చరిత్రలో సుఖపడని వారెవరో చాలా వివరాణాత్మకంగా చెప్పాడు. అంతేకాదు పెళ్లి చేసుకున్నవాడు నిత్యం తన భార్య చేతిలో ఫూల్ అవుతూనే వుంటాడని విభిన్నంగా సెలవిచ్చాడు. చాలా గ్యాప్ త‌ర్వాత థియేట‌ర్లో సంద‌డి చేయ‌నున్న ఈ సినిమాపై అభిమానుల‌లో భారీ అంచ‌నాలే ఉన్నాయి. మరి ఆలస్యం లేకుండా ప్రోమో చూసేద్దామా..!