బాధిత కుటుంబాలకు అల్లు అర్జున్ ఆర్థిక సాయం

Posted: 09/02/2020 08:14 PM IST

Allu arjun to donate rs 2 lakh each to the families of the deceased

జనసేన అధినేత, సినీనటుడు పవన్ స్టార్ ప‌వ‌న్ క‌ల్యాణ్ జ‌న్మ‌దినాన్ని పురస్కరించుకుని వేడుకలకు ఏర్పాట్లు చేస్తుండగా, విద్యుద్ఘాతానికి గురై ముగ్గురు అభిమానులు ప్రాణలు వదలడం పట్ల స్టైలిష్ స్టార్ అల్లు అర్జున్ తీవ్ర దిగ్ర్భాంతిని వ్యక్తం చేశారు. చిత్తూరు జిల్లా కుప్పం పరిధిలోని శాంతిపురం ప్రాంతంలో పవన్ కల్యాణ్ అభిమానులు ఆయన జన్మదిన వేడుక‌ల ఏర్పాట్ల‌ చేస్తుండగా విద్యుద్ఘాతానికి గురైన ముగ్గురు అభిమానులు మరణించారు. కాగా ఈ ఘటనలో మరో ముగ్గరు అభిమానులు తీవ్రంగా గాయపడి అసుపత్రిలో చికిత్స పోందుతున్నారు. ఈ ఘటనపై తీవ్ర దిగ్భ్రాంతిని వ్యక్తం చేసిన అల్లు అర్జున్.. బాధిత అభిమానుల కుటుంబాలకు తన సంతాపాన్ని వ్యక్తం చేశారు,

దీంతో పాటు బాధితు కుటుంబాలకు తన వంతుగా అర్థిక సాయాన్ని అందించేందుకు ముందుకు వచ్చారు. కుప్పంలో జరిగిన విషాధ ఘటన తనను దిగ్ర్భాంతికి గురిచేసిందని అన్న ఆయన.. ఈ కష్ట సమయంలో బాధిత కుటుంబాలకు అండగా నిలిచిన అభిమానులతో పాటు ప్రతీ ఒక్కరికీ ధన్యవాదాలు తెలిపారు. ఇక బాధిత కుటుంబాలకు ప్రతీ ఒక్కరికి రూ.2 లక్షల మేర అర్థిక సాయాన్ని ప్రకటించారు. కాగా ఇప్పటికే ‘వకీల్ సాబ్’ చిత్ర యూనిట్ కూడా బాధిత కుటుంబాలకు రూ. 2 లక్షల సాయాన్ని ప్రకటించింది. కాగా మెగా పవర్ స్టార్ రాంచరణ్ తేజ్ కూడా రూ. 2.50 లక్షల అర్థిక సాయాన్ని ప్రకటించిన విషయం తెలిసిందే.