పోలీసులు అదుపులో హీరోయిన్ శ్రీయ.. ఎందుకు.?

Posted: 12/12/2019 06:48 PM IST

హీరోయిన్ శ్రీయ గుర్తుందా.? బాలయ్యతో గౌతమీపుత్ర శాతకర్ణిలో చివరిసారిగా మెరిసిన ఈ భామ.. ఆ తరువాత నుంచి తెలుగు ప్రేక్షకులకు మాత్రం కనిపించలేదు. అయితే ప్రస్తుతం అమెను లండన్ పోలీసులు అదుపులోకి తీసుకున్నారని, పైగా అమెను గన్ పాయింట్ లో అదుపులోకి తీసుకున్నారని వార్తలు వెలువడ్డాయి. ఈ వార్తల్లో నిజమెంత అని పరిశీలిస్తే.. నిజమే అమెను లండన్ పోలీసులు అదుపులోకి తీసుకున్నారు.

లండన్‌లోని అతి పెద్ద విమానాశ్రయం స్టెన్‌పోర్టులో విమల్, శ్రియ, సత్యన్‌ నటించిన ‘సందకారి’ సన్నివేశాలను చిత్రీకరించినట్లు తెలిపారు. అప్పుడు అనుకోకుండా ఒక సంఘటన జరిగిందన్నారు. నటి శ్రియ తెలియకుండా విమానాశ్రయంలోని భద్రతా ప్రాంత సరిహద్దులను దాటి హై సెక్యూరిటీ ప్రాంతంలోకి వెళ్లింది. దీంతో లండన్‌ భద్రతాధికారులు ఆమెను చుట్టి ముట్టి అనధికారికంగా ఈ ప్రాంతంలోకి ఎలా వస్తావు? అంటూ ప్రశ్నల వర్షం కురిపించారన్నారు. దీంతో బిత్తరపోవడం శ్రియ వంతైందన్నారు.

దీంతో సమస్య జఠిలం అవుతుందని గ్రహించి.. ఆ ప్రాంతానికి కాస్త దూరంగా ఉన్న నటుడు విమల్‌ వెంటనే పోలీసుల వద్దకెళ్లి తగిన ఆధారాలు చూపి పరిస్థితిని వివరించారు. పోలీసులతో మాట్లాడి వారికి షూటింగ్ డాక్యుమెంట్స్ చూపించారు. దీంతో పోలీసులు శ్రియను చిరునవ్వులో వదిలిపెట్టినట్లు చెప్పారు. ఈ విషయమై శ్రియ నుంచి కానీ యూనిట్ సభ్యుల నుంచి కానీ ఎలాంటి ప్రకటన రాలేదు. ఇకపోతే మలయాళంలో బ్లాక్ బస్టర్ విజయం అందుకున్న ‘మై బాస్’ సినిమాకు ‘సందకారి’ రీమేక్‌గా రాబోతోంది.