చిరంజీవి 152లో హీరోయిన్ కోసం వేట.. త్రిష ఔట్.?

Posted: 11/20/2019 08:48 PM IST

Ram charan looking for newbie trisha out from chiru 152 movie

మెగాస్టార్ చిరంజీవి రీ-ఎంట్రీ తరువాత తెరకెక్కుతున్న మూడవ చిత్రంలో నటించేందుకు చిత్ర నిర్మాత మెగాపవర్ స్టార్ రాంచరణ్ తేజ్ కొత్త ముఖం కోసం అన్వేషిస్తున్నారు. సామాజిక సృహ వున్న దర్శకుడు.. సందేశాత్మక చిత్రాలను కమర్షియల్ ఎలిమెంట్స్ తో జోడించి తీస్తూ అప్రతిహాత విజయాలను నమోదు చేసుకున్న డైరెక్టర్ కొరటాల శివ ఈ చిత్రాన్ని రూపొందిస్తున్నారు. అన్నీ అనుకున్నట్లగానే జరిగి వచ్చేనెలలో ఈ సినిమా రెగ్యులర్ షూటింగ్ మొదలు కానుంది.

రెగ్యూలర్ షూటింగ్ సంబంధించి సన్నాహాలు చకచకా జరిగిపోతున్న క్రమంలో చిత్ర నిర్మాత రాంచరణ్ తేజ్.. ఒక్క విషయంలో ఇబ్బందిపడుతున్నారు. ఈ చిత్రంలో చిరంజీవి సరసన నటించేందుకు కొత్తముఖాన్ని ఆయన అన్వేషిస్తున్నారని వార్తలు వినిపిస్తున్నాయి. ఈ చిత్రంలో సీనియర్ నటి త్రిష ఎంపికైందని, అయితే పలు కారణాల నేపథ్యంలో అమెపై విముఖత వ్యక్తం చేసిన రాంచరణ్.. తాజగా మరో కొత్త ముఖం కోసం వెతుకుతున్నారని సమాచారం. అనుకున్నట్లుగానే హీరోయిన్ పార్టును పక్కనబెట్టి మిగతా షెడ్యూల్ తో ముందుకుసాగాలని నిర్ణయించినట్లు తెలుస్తోంది.

జూలై నాటికి అన్ని పనులు పూర్తిచేసి, ఆగస్టు 14న చిత్రాన్ని విడుదల చేయాలనే ఆలోచనలో కొరటాల వుండగా.. ఈ చిత్రానికి అనుకోని అవాంతరాలు వచ్చిపడుతున్నాయి. దాదాపు అదే డేట్ ఖరారయ్యే అవకాశాలు ఎక్కువని అంటున్నారు. ఈ సినిమాకి సంబంధించిన సాంకేతిక నిపుణుల ఎంపిక ప్రక్రియ ఆల్రెడీ పూర్తయింది. నటీనటుల ఎంపిక ప్రక్రియ కొనసాగుతోంది. ప్రాచీన దేవాలయాలు .. ఆ దేవాలయ భూముల ఆక్రమణకి సంబంధించిన నేపథ్యంలో ఈ కథ నడుస్తుందని అంటున్నారు.