మెగా అభిమానులకు డబుల్ ఖుషీ ఇవ్వనున్న కొరటాల

Posted: 11/06/2019 08:15 PM IST

Koratala siva to begin chiranjeevi movie regular shoot with a song

‘సైరా నరసింహారెడ్డి’ తర్వాత మెగాస్టార్ చిరంజీవి.. కొరటాల శివ దర్శకత్వంలో తన 152వ ప్రాజెక్టుకు కొబ్బరికాయ కొట్టిన సంగతి తెలిసిందే. ఈ సినిమాతో మెగా అభిమానులకు దర్శకుడు కొరటాల శివ డబుల్ జోష్ ను అందించేందుకు రెడీ అవుతున్నాడు. అదేనండీ ఈ చిత్రంలోనూ చిరంజీవి ద్విపాత్రాభినయంతో అభిమానులను అలరించనున్నాడు. శ్రీకాకుళం బ్యాక్ డ్రాప్ లో ఆలయానికి వచ్చే నిధులు, విరాళాల కుంభకోణానికి సంబంధించిన చక్కని సందేశాత్మకంగా చిత్రాన్ని రూపోందించేందుకు త్వరలో శ్రీకారం చుట్టనున్నారు.

ఇక ఈ చిత్రంలో ద్విపాత్రాభినయంతో అభిమానులను మెప్పించే చిరంజీవి మాజీ మావోయిస్టుగానే కాకుండా మావో భావజాలంతో సంఘ సంస్కర్తగా కూడా కనిపించనున్నారు. ఈ చిత్రంలో సింహాచల వరహా లక్ష్మీనరసింహస్వామి దేవాలయంలో జరిగిన యధార్థఘటనలను జోడించి కథగా రూపొందించనున్నారని టాక్. ఈ చిత్రంలో చిరంజీవి గోవింద, ఆచార్య రెండు ప్రాతలలో నటించనున్నారు. ఇక ఆయన పక్కన త్రిష హీరోయిన్ గా నటించనున్నారు.

ప్రీ ప్రొడక్షన్ పనులు ముగించుకున్న ఈ చిత్రం వచ్చే నెల నుంచి సెట్స్ పైకి వెళ్లనుంది. వేసవి సెలవులను పురస్కరించుకుని ఏప్రిల్ చివరి వారంలో ఈ సినిమాను విడుదల చేయాలని చిత్ర యూనిట్ భావిస్తోంది. ఇక ఈ సినిమా షూటింగ్ ను రోటీన్ కు భిన్నంగా పాటతో మొదలు పెట్టనున్నట్టు సమాచారం. మరో హీరోయిన్ ను చిత్ర యూనిట్ ఎంపిక చేసే పనిలో వుంది. ఈ చిత్రానికి అజయ్ అటుల్ సంగీతాన్ని సమకూర్చనున్నారు. మెగా వపర్ స్టార్ రాంచరణ్ తేజ్ కొణిదెల ప్రోడక్షన్స్ బ్యానర్ పై నిర్మించనున్నారు.