ఆకాశ్ పూరి ‘రోమాంటిక్’లో కీలక పాత్రలో రమ్యకృష్ణ.!

Posted: 10/16/2019 08:59 PM IST

ఆకాశ్ పూరి, కేతికా శ‌ర్మ జంట‌గా న‌టిస్తోన్న చిత్రం ‘రొమాంటిక్’. అనిల్ పాదూరి ద‌ర్శ‌క‌త్వంలో తెర‌కెక్కుతోన్న ఈ చిత్రాన్ని పూరి జ‌గ‌న్నాథ్ టూరింగ్ టాకీస్‌, పూరి క‌నెక్ట్స్ పతాకాల‌పై పూరి జ‌గ‌న్నాథ్‌, ఛార్మి నిర్మిస్తున్నారు. `ఇస్మార్ట్ శంక‌ర్ వంటి బ్లాక్ బ‌స్ట‌ర్ హిట్ త‌ర్వాత పూరి, ఛార్మి నిర్మిస్తున్న చిత్ర‌మిది. ఇప్పటికే విడుదలైన సినిమా ఫస్ట్‌ లుక్‌ అందరినీ తెగ ఆకట్టుకుంటోంది. దీంతో సినిమాపై అభిమానులు ముఖ్యంగా యువతలో అంచనాలు పెరిగిపోయాయి.

తాజాగా ఈ సినిమాకు సంబంధించిన మరో ఆసక్తికర విషయం బటయటకువచ్చింది. `బాహుబ‌లి` చిత్రంలో రాజ‌మాత శివ‌గామి న‌టించి సినీ ప్రేక్ష‌కుల‌ను మెప్పించిన ర‌మ్య‌కృష్ణ ఈ చిత్రంలో కీల‌క పాత్ర‌లో న‌టిస్తున్నారని సమాచారం. ఈ చిత్రంలో ర‌మ్య‌కృష్ణ ఫుల్ లెంగ్త్ రోల్‌లో క‌న‌ప‌డ‌నుందని తెలుస్తోంది. మంగ‌ళ‌వారం నుంచి జ‌రుగుతున్న షెడ్యూల్‌లో ర‌మ్య‌కృష్ణ జాయిన్ అయ్యారని తెలిసింది.

ఇక ఈ చిత్రంలో రమ్యకృష్ణ పవర్‌ఫుల్‌ పాత్ర పోషిస్తుందని సమాచారం. ఇక ఇన్‌టెన్స్ రొమాంటిక్ ఎంట‌ర్‌టైన‌ర్‌గా రూపొందిన ఈ చిత్రానికి సునీల్ క‌శ్య‌ప్ సంగీతాన్ని అందిస్తున్నారు. న‌రేశ్ సినిమాటోగ్ర‌ఫీని అందిస్తున్నారు. మకరంద్‌ దేశ్‌ పాండే, ఉత్తేజ్‌, సునైన తదితరులు ఈ చ్రితంలో నటిస్తున్నారు. పూరి అకాశ్ కు ఈ చిత్రం మంచి బ్రేక్ ఇస్తుందని కూడా వార్తలు వినిపిస్తున్నాయి.