టాలీవుడ్ బడా నిర్మాత అల్లు అరవింద్ ‘రామాయణం’ ప్రాజెక్ట్ను రెండు నెలల క్రితం ప్రకటించిన విషయం తెలిసిందే. ఇప్పటి వరకు రామాయణ మహాకావ్యంలోని కొన్ని ముఖ్య ఘట్టాలను తీసుకొని తెరపై ఆవిష్కరించారు. అయితే, తొలిసారి మొత్తం రామాయణాన్ని మూడు భాగాలుగా అది కూడా 3డి టెక్నాలజీతో ప్రేక్షకుల ముందుకు తీసుకొచ్చేందుకు నిర్మాత అల్లు అరవింద్ సిద్ధమయ్యారు.
తెలుగుతో పాటు హిందీ, తమిళ భాషల్లో ఈ రామాయణాన్ని తెరకెక్కించనున్నారు. ఈ భారీ చిత్రం నిర్మాణం కోసం మధు మంతెన, నమిత్ మల్హోత్ర (ప్రైమ్ ఫోకస్)తో అల్లు అరవింద్ జతకట్టారు. ‘దంగల్’ ఫేమ్ నితీష్ తివారి, ‘మామ్’ ఫేమ్ రవి ఉద్యవార్ ఈ సిరీస్కు దర్శకత్వం వహించనున్నారు. తొలి భాగం 2021లో విడుదలవుతుంది. అయితే, తొలిభాగాన్ని నితీష్ తివారి తెరకెక్కించనున్నారు.
‘దంగల్’ తరవాత తాజాగా ‘చిచ్చోరి’ లాంటి సూపర్ డూపర్ హిట్ అందుకున్న తివారి ప్రస్తుతం ‘రామాయణం’ ప్రీ ప్రొడక్షన్ పనులతో బిజీగా ఉన్నారు. ఇదిలా ఉంటే, ఈ సినిమాలో బాలీవుడ్ తారలు హృతిక్ రోషన్ రాముడిగా, దీపికా పదుకొణె సీతగా నటించనున్నారని ఇప్పటికే వార్తలు వచ్చాయి. అయితే, ఈ భారీ చిత్రంలో ప్రభాస్ కూడా నటించనున్నారనే వార్త ఇప్పుడు హాట్ టాపిక్గా మారింది.
రావణుడి పాత్రలో ప్రభాస్ను నటింపజేయాలని మేకర్స్ చూస్తున్నారట. బాలీవుడ్ వర్గాల సమాచారం ప్రకారం రూ.600 కోట్ల బడ్జెట్తో ఈ చిత్రాన్ని భారీ ఎత్తున నిర్మించబోతున్నారు. ఇది హిందీతో పాటు తెలుగు, తమిళంలో కూడా తెరకెక్కనుంది కాబట్టి పాన్ ఇండియా స్టార్గా మారిన ప్రభాస్ ఈ ప్రాజెక్ట్లోకి వస్తే సినిమాకు బలం చేకూరుతుందని మేకర్స్ భావించారని సమాచారం.
రామాయణంలో ఎంతో కీలకమైన రావణుడి పాత్రకు ప్రభాస్ అయితే కరెక్ట్గా సరిపోతారని దర్శక నిర్మాతలు నిర్ణయించారట. అయితే, ఇది ఇంకా చర్చల దశలో ఉందని అంటున్నారు. ఈ విషయంలో ప్రభాస్ ఇంకా తన నిర్ణయాన్ని చెప్పలేదట. ఒకవేళ ప్రభాస్ గనుక ఈ పాత్ర చేయడానికి ముందుకొస్తే భారత సినీ చరిత్రలో ఇది మరో సంచలనాత్మక చిత్రం కావడం ఖాయం.
ఇదిలా ఉంటే, చిత్ర తారాగణం విషయంలో ఇంకా ఎలాంటి నిర్ణయం తీసుకోలేదని దర్శకుడు నితీష్ తివారి అంటున్నారు. ఇటీవల ‘పింక్విల్లా’ వెబ్సైట్తో మాట్లాడిన ఆయన తాము ఇంకా కాన్సెస్ట్ లెవెల్లోనే ఉన్నామని చెప్పారు. తారాగణం గురించి ప్రస్తుతానికి ఆలోచించడం లేదని అన్నారు. దర్శకుడు ఇలా చెబుతున్నప్పటికీ లోపల అయితే చర్చలు జరుగుతున్నాయన్నది టాక్.
(And get your daily news straight to your inbox)
Apr 03 | కలర్ ఫోటో చిత్రంతో తన లోని దర్శకత్వ కోణాన్ని ప్రేక్షకులు ముందు ప్రవేశపెట్టి మంచి మార్కులు సాధించిన దర్శకుడు సందీప్ రాజ్. ఒక్క షార్ట్ ఫిల్మ్ తీసేసి.. సినిమా ఛాన్స్ పట్టేస్తున్నారు. నిజంగా ఇది... Read more
Apr 03 | అక్కినేని నాగచైతన్య.. మరోమారు టాలీవుడ్ అందాల బామ రాశీ ఖన్నాతో జతకడుతున్నాడు. మజలీ చిత్రంలో క్రికెటర్ అవతారమెత్తిన నాగచైతన్య.. విక్రమ్ కుమార్ దర్శకత్వంలో రూపొందుతోన్న 'థాంక్యూ' చిత్రంతో హాకీ ప్లేయర్గా కనిపిస్తాడు. అలాగే ఇందులో... Read more
Apr 03 | టాలీవుడ్ స్టైలిష్ స్టార్ అల్లు అర్జున్ - విభిన్న కథాంశాలతో ప్రయోగాత్మక చిత్రాలను రూపోందించే ప్రముఖ దర్శకుడు సుకుమార్ హ్యాట్రిక్ కాంబినేషన్లో తెరకెక్కుతున్న చిత్రం ‘పుష్ప’. ఎర్రచందనం స్మగ్లింగ్ కథాంశంతో రూపుదిద్దుకుంటోన్న ఈ సినిమాలో... Read more
Apr 02 | అభిమానుల దృష్టిలో పవన్ కల్యాణ్ .. ఒక పేరు కాదు పవర్ఫుల్ మంత్రం. తెరపై ఆయనను చూస్తే చాలు వాళ్లు పూనకాలు వచ్చినట్టుగా ఊగిపోతారు. పవన్ కల్యాణ్ నుంచి సినిమా వస్తుందంటే .. పండగ... Read more
Apr 02 | యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ జంటగా నటిస్తున్న మల్టీస్టారర్ ఆర్ఆర్ఆర్. ఈ చిత్రంలో బాలీవుడ్ హీరో అజయ్ దేవగణ్ కూడా కీలకపాత్రను పోషిస్తున్న విషయం తెలిసిందే. అయితే ఇవాళ... Read more