ఆ సినిమాను మళ్లీ చూస్తానంటున్న కింగ్..

Posted: 08/02/2018 09:05 PM IST

కంటెంట్ ఉన్న సినిమాలు రావాలే కాని ప్రేక్షకాదరణ ఏమాత్రం తగ్గదని ‘Rx 100’తో మరొకసారి నిరూపితమైంది. అత్యంత తక్కువ బడ్జెట్‌తో చిన్న చిత్రంగా విడుదలైన ఈ మూవీ సన్సేషనల్ హిట్‌ను సాధించింది. మొదట్లో బూతు చిత్రంగా ప్రచారం చేసినప్పటికీ ఫైనల్‌‌గా ప్రేక్షకుడు అఖండ విజయాన్ని అందించాడు. చిన్న చిత్రంగా విడుదలైన ఈ మూవీ తిరుగులేని కలెక్షన్లతో నిర్మాతలకు కాసుల వర్షం కురిపిస్తుంది.

దర్శకుడు అజయ్ భూపతి వర్మ శిఘ్యుడిగా ఇంటెన్సివ్ అండ్ ఇన్‌క్రెడిబుల్ లవ్ స్టోరీతో గ్రామస్థాయి పాలిటిక్స్, గ్రామాల్లో ప్రేమికుల మధ్య ఉండే నాటు సరసం, భావోద్వేగాలను ఒడిసిపట్టుకోవడంతో యూత్‌కి బాగా కనెక్ట్ అయ్యింది ఈ మూవీ. కార్తీకేయ, పాయల్ రాజ్‌పుత్ హీరో హీరోయిన్లుగా తెరకెక్కిన ఈ మూవీపై విమర్శకుల ప్రశంసలతో పాటు.. అశ్లీలత, రొమాంటిక్ సన్నివేశాలు, మహిళల్ని కించపరిచే సన్నివేశాలు ఉన్నాయంటూ విమర్శకులు కూడా అదే రేంజ్‌లో వస్తున్నాయి. తాజాగా ఈ మూవీపై ప్రశంసల జల్లు కురిపించారు కింగ్ నాగార్జున.

యంగ్‌ హీరో సుశాంత్‌ హీరోగా, రుహాని శర్మ హీరోయిన్‌గా సిరుని సినీ కార్పోరేషన్‌ పతాకంపై నాగార్జున అక్కినేని, జస్వంత్‌ నడిపల్లి రాహుల్‌ రవీంద్రన్‌ దర్శకత్వంలో రూపొందించిన చిత్రం 'చి.ల.సౌ' చిత్రం మంచి అంచనాలతో రేపు ప్రేక్షకుల ముందుకు వస్తోంది. ఈ సందర్భంగా బుధవారం నాడు జరిగిన మీడియా సమావేశంలో నాగార్జున పాల్గొని ఇటీవల విడుదలై విజయవంతమైన చిత్రాల గురించి మాట్లాడుతూ ‘ఆర్ ఎక్స్ 100’ మూవీ తనకు బాగా నచ్చిందంటూ చిత్ర యూనిట్‌ను ప్రశంసించారు.