‘శ్రీనివాస కళ్యాణం’ కాన్సెప్ట్ టీజర్ విడుదల

Posted: 07/19/2018 04:38 PM IST

వరుసగా చల్ మోహనరంగా, లై చిత్రాలు బాక్సాఫీసు వద్ద అపజయాలను మూటగట్టుకున్న నేపథ్యంలో తెలుగు సంప్రదాయంతో పెళ్లి కాన్సెప్టుతో అటు కుటుంబ ప్రేక్షకులతో పాటు ఇటు యూత్ ను అకట్టుకునే విధంగా కొత్త కథనంతో యంగ్ హీరో నితన్ వస్తున్నాడు. ఈ చిత్రంలో రాశి ఖన్నా.. నితన్ సరసన కథానాయిక పాత్రలో నటించనుంది. దర్శకుడు సతీశ్ వేగేశ్న 'శ్రీనివాస కళ్యాణం' సినిమాను రూపొందించాడు. ఫ్యామిలీ ఎంటర్టైనర్ గా దిల్ రాజు నిర్మించిన ఈ సినిమాను ఆగస్టు 9వ తేదీన విడుదల చేయనున్నారు. తాజాగా ఈ సినిమా నుంచి ఒక కాన్సెప్ట్ టీజర్ ను రిలీజ్ చేశారు.

"మనం పుట్టినప్పుడు మన వాళ్లంతా ఆనందపడతారు .. అది మనకి తెలియదు. మనం దూరమైనప్పుడు మన వాళ్లంతా బాధపడతారు .. అదీ మనకి తెలియదు. మనకి తెలిసి మనం సంతోషంగా వుండి .. మనవాళ్లంతా సంతోషంగా వుండేది ఒక్క పెళ్లిలో మాత్రమే. అలాంటి పెళ్లి గొప్పతనం గురించి చెప్పే ఓ చిన్ని ప్రయత్నమే మా ఈ 'శ్రీనివాస కళ్యాణం' " అంటూ జయసుధతో చెప్పించిన వాయిస్ ఓవర్ ఆకట్టుకుంటోంది. అలాగే ఈ సినిమా ఆడియో వేడుకను ఈ నెల 22వ తేదీన జరపనున్నట్టుగా ఈ టీజర్ ద్వారానే తెలియజేశారు. జయసుధ .. ప్రకాశ్ రాజ్ .. సీనియర్ నరేశ్ ఈ సినిమాలో ముఖ్యమైన పాత్రలను పోషించారు.