మరో రికార్డును అందుకున్న రాంచరణ్ ‘రంగస్థలం’..

Posted: 06/27/2018 10:41 AM IST

Ram charan rangasthalam running towards 100 glorious day

మెగా పవర్ స్టార్ రాంచరణ్ తేజ్ నటించిన గ్రామీణ నేపథ్యంలోని చిత్రం రంగస్థలం తెలుగు చిత్ర పరిశ్రమలో అనేక రికార్డులను నెలకొల్పి ముందుకు దూసుకెళ్లిన విషయం తెలిసిందే. కాగా, టాలీవుడ్ బాక్సీఫీసు వద్ద అనేక రికార్డులను బద్దులుకోట్టిన ఈ చిత్రం మరో రికార్డును కూడా అధిగమించింది. సహజంగా నైజాం ప్రాంతంలో అందరి హీరోలకన్నా మెగా ఫ్యాన్స్ ఎక్కువ. అయితే సరిగ్గా శతదినోత్సవానికి సిద్దమవుతున్న ఈ చిత్రం హైదరాబాద్, ఆర్టీసీ క్రాస్ రోడ్స్ లో ఉన్న సుదర్శన్ 35 ఎంఎం సినిమా హాల్ లో అత్యధిక వసూళ్లు సాధించిన చిత్రంగా కూడా తాజాగా రికార్డును నెలకొల్పింది.

aగతంలో ఈ రికార్డు మహేష్ బాబు నటించిన 'పోకిరి' పేరిట ఉండగా, దాన్ని 'రంగస్థలం' బ్రేక్ చేసింది. 12 సంవత్సరాల క్రితం విడుదలైన పోకిరి, సుదర్శన్ 35 ఎంఎం థియేటర్ లో రూ.1,61,43,081 వసూలు చేసింది. ఇక రంగస్థలం విడుదలైన 89 రోజుల్లో రూ. 1.62 కోట్లు రాబట్టి సరికొత్త రికార్డును సృష్టించింది. ఇప్పటికే రెండు వందల కోట్ల క్లబ్ లో చేరిన ఈ చిత్రం.. ఈ మధ్యకాలంలో అతితక్కువ చిత్రాలు మాత్రమే సాధించే అరుదైన ఫీటును కూడా సాధించేందుకు సిద్దమయయ్యింది. 50 రోజుల పండుగను పూర్తి చేసుకుని శతదినోత్సవ వేడుకకు వైపు రివ్వున దూసుకెళ్తుంది.