యాంగ్రీ విలన్ గా రాజశేఖర్.. అంగీకరాం..

Posted: 05/02/2018 06:41 PM IST

యాంగ్రీ యంగ్ మ్యాన్‌గా తనకంటూ ప్రత్యేక ఇమేజ్‌ను ఏర్పరుచుకున్న హీరో రాజశేఖర్. చాలా కాలం తరవాత ‘పీఎస్వీ గరుడవేగ’ చిత్రంతో మంచి హిట్ కోట్టారు. అయితే హీరోగా ప్రశాంత్ వర్మ దర్శకత్వంలోని ఓ చిత్రాన్ని కూడా అంగీకరించారని సమాచారం. ఈ చిత్రానికి కల్కి అనే టైటిల్ ను పరిశీలిస్తున్నారు. అయితే రాజశేఖర్ విలన్ అవతారం ఎత్తబోతున్నారంటూ చాలా కాలంగా ప్రచారం జరుగుతోంది. యువ హీరో రామ్ హీరోగా గరడవేగ చిత్ర దర్శకుడు ప్రవీణ్ సత్తారు దర్శకత్వం వహిస్తున్న చిత్రంలో రాజశేఖర్ ఈ అవతారాన్ని ఎత్తనున్నారని తెలుస్తుంది.

రామ్ చరణ్ హీరోగా వచ్చిన ‘ధృవ’లో విలన్ పాత్రను రాజశేఖర్ చేయాల్సి ఉన్నా అనుకోని కారణాల వల్ల కుదరలేదట. కాగా, ఇటీవలే లాంఛనంగా ప్రారంభమైన ఈ చిత్రంతో రాజశేఖర్ ను ఓ పవర్ ఫుల్ విలన్ గా చిత్రీకరించాలని ప్రవీణ్ సత్తారు నిర్ణయించుకున్నారని, ఇందుకోసం రాజశేఖర్ ను కూడా సంప్రదించారని సమాచారం. గత కొంతకాలంగా టాలీవుడ్ లో పలు చిత్రాల దర్శకులు రాజశేఖర్ ను విలన్ గా చూపించాలని ప్రయత్నిస్తున్నా.. అంగీకరించని యాంగ్రీ యంగ్ మ్యాన్.. సత్తారు కథ విని మాత్రం ఓటు వేశారని తెలుస్తుంది.

దీంతో ఈ సినిమాలో రాజశేఖర్ విలన్‌గా చేయబోతున్నారని ఫిల్మ్ నగర్ వర్గాల్లో చర్చనీయాం:గా మారింది. శ్రీ స్రవంతి మూవీస్‌ సంస్థ నిర్మిస్తున్న ఈ సినిమాలో రాజశేఖర్‌ విలన్‌గా నటిస్తున్నారట. విజయాలకు దూరమైన తనకు మంచి బ్రేక్‌ ఇచ్చిన ప్రవీణ్‌ కోరడంతో విలన్ పాత్రకు రాజశేఖర్‌ సరే అన్నట్టు తెలుస్తోంది. ఈ సినిమా రెగ్యులర్ షూటింగ్ ఈనెలలోనే ప్రారంభం కానుంది. జార్జియా, స్విట్జర్లాండ్, ఫ్రాన్స్, ఇట‌లీలలో షూటింగ్ చేయనున్నారు.