రంగస్థలం చిత్రంపై మోహన్ బాబు ఏమన్నాడో తెలుసా.?

Posted: 04/03/2018 05:30 PM IST

చిత్ర విడుదలకు ముందే.. తాను ఇప్పటివరకు చేసిన చిత్రాల్లో ఇది ఖచ్చితంగా ఓ మైలురాయిగా మిగులుతుందని మెగా ప‌వ‌ర్ స్టార్ రామ్ చ‌ర‌ణ్‌ చెప్పినట్లుగానే చిత్రం హిట్ టాక్ తో దూసుకుపోవడం.. ఇక అటు కలెక్షన్ల వర్షం కురిపించడంతో ఎంతో మంది సీనీ ప్రముఖులు ఈ చిత్రంపై స్పందిస్తున్నారు. క్రియేటివ్ డైరెక్ట‌ర్ సుకుమార్ రూపొందించిన ‘రంగ‌స్థ‌లం’ సినిమా విజయవంతంగా ప్రదర్శింపబడుతోంది. గత శుక్రవారం విడుదలైన ఈ సినిమా భారీ వసూళ్లతో రికార్డులను తిరగ రాస్తూ పరుగులు పెడుతోంది. చిత్రయూనిట్ అంతా సంబరాల్లో మునిగిపోయింది.
 
తాజాగా ‘రంగస్థలం’ సినిమాపై స్పందిస్తూ డైలాగ్ కింగ్ మోహన్‌బాబు ఓ ట్వీట్ చేశారు. ‘రంగస్థలం సినిమా బాగుందని వింటున్నా. త్వరలో ఈ సినిమా చూస్తా. రామ్‌చరణ్‌తో పాటు చిత్ర యూనిట్ మొత్తానికి నా ప్రత్యేక అభినందనలు. కొడుకులు ఎంచుకున్న రంగంలో ఉన్నత ప్రతిభ కనబర్చితే.. తండ్రులకు అంతకన్నా మించి మరేం కావాలి. నేను ఖచ్చితంగా చెప్తున్నా.. నా ప్రియ స్నేహితుడు చిరంజీవి చాలా గర్వంగా ఉన్నాడని నాకు తెలుసు’ అని రాశారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది. రీ ట్వీట్స్, లైకులతో హోరెత్తిపోతోంది.