అక్షయ్ తీరుతో ఇబ్బంది పడ్డ బిగ్ బీ

Posted: 11/29/2017 04:53 PM IST

బాలీవుడ్ మెగాస్టార్ అమితాబ్ బచ్చన్ యాక్షన్ హీరో అక్షయ్ కుమార్ చేసిన పనిపై అసంతృప్తి వ్యక్తం చేశారు. ఇంతకీ విషయం ఏంటంటే.. గోవాలో జరిగిన ఐఫీ ఫిల్మ్ అవార్డుల ప్రధానోత్సవంలో బాలీవుడ్ దిగ్గజ నటుడు అమితాబ్ బచ్చన్ కు 'ఇండియన్ ఫిల్మ్ పర్సనాలిటీ ఆఫ్ ది ఇయర్' అవార్డును ప్రకటించిన సంగతి తెలిసిందే. ఈ అవార్డుల ప్రధానోత్సవంలో పలువురు సినీ ప్రముఖులు పాల్గొన్నారు. ఈ అవార్డును అమితాబ్ కు కేంద్ర మంత్రి స్మృతి ఇరానీ, అక్షయ్ కుమార్ అందజేశారు.

అయితే అవార్డు ఇవ్వడానికి ముందు ఆయనను వేదికపైకి ఆహ్వానిస్తూ...'అమెరికాకి సూపర్ మ్యాన్ ఉంటే..ఇండియాకి యాంగ్రీ యంగ్ మ్యాన్ ఉన్నారు' అంటూ అక్షయ్ కుమార్ పేర్కొంటూ బిగ్ బీని వేదికపైకి రావాలని కోరారు. అమితాబ్ వేదికపైకి రాగానే ఆయన కాళ్లకు అక్షయ్ నమస్కారం చేసేప్రయత్నం చేశాడు. వెంటనే ఆయనను నిరోధించిన అమితాబ్ అతనిని ఆప్యాయంగా ఆలింగనం చేసుకున్నారు.

దీనిపై ట్విట్టర్ లో బిగ్ బీ వీరాభిమాని ఒకరు ఫోటోను ట్వీట్ చేసి ‘అక్కీ మర్యాద’ అంటూ పోస్ట్ చేశాడు. దానికి ద్వారా స్పందించిన బిగ్ బి అక్షయ్ పై ప్రేమపూర్వక చిరుకోపం ప్రదర్శించారు. 'అక్షయ్! నువ్వలా చేసి ఉండాల్సింది. నాకు చాలా ఇబ్బంది కలిగింది' అంటూ పేర్కొన్నారు. వీరిద్దరూ ఆంఖే, ఖాకీ తదితర చిత్రాల్లో నటించిన విషయం తెలిసిందే.