జిమ్ లో అలియాకు కత్రినా కష్టాలు

Posted: 10/30/2017 04:27 PM IST

హీరోయిన్ల మధ్య కెరీర్ పరమైన ఫైట్ కు ఎప్పుడో కాలం చెల్లిపోయింది. బాయ్ ఫ్రెండ్ లను లాక్కునే వ్యవహారం తప్పించి... మిగతావారంతా ఇప్పుడు అంతా స్నేహపూర్వకంగానే మెదలుతున్నారు. అయితే ఇది ఏ ఒక్క ఇండస్ట్రీకో పరిమితం కావట్లేదు. అలా బాలీవుడ్ లో కత్రినా కైఫ్-అలియా భట్ ల మధ్య స్నేహం గురించి మాత్రం ఎప్పటికప్పుడు చర్చించుకుంటూనే ఉంటున్నారు.

అయితే రీసెంట్ గా కత్రినా తన ఇన్ స్టాగ్రామ్ లో పోస్ట్ చేసిన ఓ వీడియో వారి మధ్య బాండింగ్ గురించి మరోసారి తెలియజేసింది. సీనియర్ గా అలియాకు సలహాలు ఇవ్వటంతోనే కాదు.. జిమ్ లోనూ కోచ్ గా ఇలా పాఠాలు కూడా నేర్పిస్తోందని ఆ వీడియో చూస్తే ఇట్టే అర్థమైపోతుంది. ఇంతకీ అసలు విషయం ఏంటంటే.. జిమ్‌లో శిక్ష‌కురాలు యాస్మిన్ క‌రాచీవాలా విధులకు రాలేదంట. దీంతో క్యాట్ కోచ్ అవతారం ఎత్తి ఇలా ట్రైనింగ్ ఇస్తుందన్న మాట. గతంలో వీరిద్దరికీ సంబంధించి కొన్ని ఫ్రెండ్లీ వీడియోలు, ఫోటోలు వైరల్ అయిన విషయం తెలిసిందే.

అయితే అలియాను పాపం అంతలా కష్టపెట్టాలా? అంటూ వీడియో కింద కొందరు కామెంట్లు పెడుతున్నారు. ఇదిలా ఉంటే సినిమాల పరంగా చూసుకుంటే అలియా రాజీ చిత్రం ఇటీవలె షూటింగ్ పూర్తి చేసుకోగా.. కత్రినా సల్మాన్ ఖాన్ తో టైగర్ జిందాహైలో నటిస్తోంది. ఈ చిత్ర ఫస్ట్ లుక్ పోస్టర్ ఇటీవలె బయటకు రాగా.. డిసెంబర్ 22న విడుదల కానుంది.