కీర్తి సురేశ్ బర్త్ డే.. మహానటి ఫస్ట్ లుక్

Posted: 10/17/2017 04:42 PM IST

నటి కీర్తి సురేశ్ బర్త్ డే ఇవాళ. ఈ సందర్భంగా ‘మహానటి’ చిత్రంలో ఆమె పోషిస్తున్న సావిత్రి పాత్ర ఫస్ట్ లుక్ ను విడుదల చేశారు. ఇప్పటికే అభిమానుల నుంచి శుభాకాంక్షలు, ప్రశంసలు అందుకున్న కీర్తి సురేశ్ పై మరో నటిసమంత తన శుభాకాంక్షలు తెలిపింది. ఈ సందర్భంగా ఓ ట్వీట్ చేసింది. ‘ఆ కళ్లను ఎవ్వరూ దాచలేరు. ఆ కళ్లే మహానటి జీవిత చరిత్రను చెప్పబోతున్నాయి. కీర్తి సురేశ్ నీకు పుట్టినరోజు శుభాకాంక్షలు’ అని తన ట్వీట్ లో పేర్కొంది.

Uncovering those eyes..the eyes that are going to tell you a story of a lifetime #Mahanati Happy birthday @KeerthyOfficial @VyjayanthiFilms pic.twitter.com/5wkscSJmtC

— Samantha Akkineni (@Samanthaprabhu2) October 17, 2017

ఆకాశ వీధిలో అందాల జాబిలి

ఇక చిత్ర యూనిట్`ఆకాశ వీధిలో అందాల జాబిలి` పేరుతో పుట్టినరోజు శుభాకాంక్ష‌లు చెబుతూ కీర్తి ఫ‌స్ట్‌లుక్‌ను విడుద‌ల చేశారు. కేవ‌లం కీర్తి క‌ళ్లు మాత్రమే క‌నిపిస్తున్న ఈ ఫస్ట్‌లుక్ చూస్తే అది సావిత్రి ఫొటోనా? లేక కీర్తి ఫొటోనా? అని తేల్చుకోవ‌డానికి కొంత స‌మ‌యం ప‌డుతోంది. దీన్ని బ‌ట్టి చూస్తే కీర్తి సురేశ్ ఆ పాత్ర‌లో ఎంతె‌లా ఒదిగిపోయిందో అర్థం చేసుకోవ‌చ్చు.

నాగ్ అశ్విన్ ద‌ర్శ‌క‌త్వం వ‌హిస్తున్న ఈ చిత్రంలో స‌మంత కీల‌క పాత్ర‌లో న‌టిస్తోంది. అలాగే మ‌ల‌యాళ న‌టుడు దుల్క‌ర్ స‌ల్మాన్‌, `అర్జున్ రెడ్డి` జంట విజ‌య్ దేవ‌రకొండ, షాలిని పాండేలు కూడా ఈ చిత్రంలో న‌టిస్తున్న సంగ‌తి తెలిసిందే. ఇప్ప‌టికే ఈ చిత్రానికి సంబంధించి దుల్క‌ర్ స‌ల్మాన్ పోషిస్తున్న జెమినీ గ‌ణేష‌న్ పాత్ర ఫ‌స్ట్‌లుక్‌ను విడుద‌ల చేశారు.