భారతీయుడు-2 ఆగిపోలేదు

Posted: 10/17/2017 04:25 PM IST

కమల్ హాసన్ కెరీర్ లో మైలు రాయి లాంటి చిత్రం భారతీయుడు. శంకర్ డైరెక్షన్ లో రెండు దశాబ్దల క్రితం వచ్చిన ఈ చిత్రం ఇండియన్ స్క్రీన్ పై ఓ సంచలనం. అవినీతి, లంచగొండితనం కాన్సెప్ట్ లతో వచ్చిన భారతీయుడు ఓ ట్రెండ్ సెట్టర్. గత కొంత కాలంగా ఈ చిత్రం రెండో పార్ట్ రాబోతుందన్న వార్తలు జోరందుకున్న విషయం తెలిసిందే.

ఈ భారతీయుడు 2కి అదనపు ఆకర్షణ ఏంటంటే.. దిల్ రాజు వ్యవహరిస్తుండటం.. దానిపై అఫీషియల్ గా తమిళ బిగ్ బాస్ లోనే ప్రకటన రావటంతో అంతా సంతోషం వ్యక్తం చేశారు. అయితే, ఈ ప్రాజెక్టు నుంచి కమల్ తప్పుకున్నారనీ .. ఆయన ఈ సినిమా చేయడం లేదనే ప్రచారం కొన్ని రోజులుగా జోరందుకుంది. ఈ వార్త నిజమేనా? .. కారణాలేంటి? అనే సందేహాలు అభిమానులను అయోమయానికి గురిచేస్తున్నాయి. ఈ నేపథ్యంలో ఈ సినిమా టీమ్ స్పందించింది. 'భారతీయుడు' సీక్వెల్ ప్రాజెక్టు నుంచి కమల్ తప్పుకోలేదనీ, ఆయన ఈ సినిమా చేయడానికి సిద్ధంగా వున్నారని స్పష్టం చేశారు.

దర్శకుడు శంకర్ సినిమాలు ఒక్కోక్కటి తర్వాతి చిత్రాల రికార్డులను చెరిపేస్తుంటాయి. ఈ నేపథ్యంలో 2.0 తర్వాత తెరకెక్కబోయే ఈ చిత్రం ఎన్ని రికార్డులు బద్ధలు కొడుతుందో చూడాలి. కమల్ రాజకీయాల నేపథ్యంలో స్ట్రాంగ్ సోషల్ మెసేజ్ ఉన్న మూవీ పడితే మాత్రం అది అడ్వాంటేజ్ అయ్యి తీరుతుంది.