మరోసారి చేతి వాటం చూపిన బాలయ్య

Posted: 10/03/2017 03:40 PM IST

అగ్ర న‌టుడు, హిందూపురం ఎమ్మెల్యే నందమూరి బాల‌కృష్ణ మరోసారి అసహనాన్ని ప్రదర్శించారు. దూకుడు స్వభావం చూపే ఆయన మరోసారి చెంప చెల్లుమణిపించాడు. తరచూ ఈ మధ్య ఇలాంటి వార్తలతో హైలెట్ అవుతున్న బాలయ్య మరోసారి అలాంటి సీన్ తోనే నిలిచారు.

హిందూపురంలోని బోయపేటలో ఇంటింటికి టీడీపీ కార్యక్రమంలో బాలకృష్ణ పాల్గొన్నారు. ఈ సందర్భంగా కార్యకర్తలంతా కలిసి ముందుకు వెళ్తున్న తరుణంలో ఒక్కసారిగా తోపులాట సాగింది. అయితే పక్కనే ఉన్న ఓ అభిమాని బాలయ్య కంటే ముందు వెళ్లటానికి యత్నించాడు. ఈక్రమంలో అతను బాలయ్య మీద పడిపోగా, ఆయనకు అసహనంతో చిర్రెత్తుకొచ్చింది.

 

అంతే ఆగ్రహంతో ఊగిపోయిన బాలయ్య ఆ కార్యకర్త చెంపను వాయించేశాడు. ఆపై ఎందుకంత తొందరంటూ అతనిని వారించి ముందుకు సాగారు. బాలయ్య చేసిన ఆ పనితో ఆ కార్యకర్త బిత్తరపోగా.. మిగతా వారంతా షాక్ కి గురయ్యారు. ఈ విషయంపై సోషల్ మీడియాలో బాలయ్య పై తీవ్ర విమర్శలు ఎదురవుతున్నాయి. గతంలో సెల్పీ కోసం ట్రై చేసిన ఫ్యాన్ ఫోన్ విసిరేయటం.. వ్యక్తిగత సహయకుడితో చెప్పులు మోయించటం.. కొట్టడం.. ఇలాంటి ఘటనలు తెలిసినవే కదా.