కుశ టీజర్ రిలీజ్.. ఎలా ఉందంటే...

Posted: 09/08/2017 04:24 PM IST

యంగ్ టైగర్ ఎన్టీఆర్, బాబీ దర్శకత్వంలో 'జై లవ కుశ' సినిమా తెరకెక్కిన విషయం తెలిసిందే. కళ్యాణ్ రామ్ నిర్మించిన ఈ సినిమా సెప్టెంబర్ 21న విడుదలకి ముస్తాబవుతోంది. ఎల్లుండి అంటే సెప్టెంబర్ 10న ప్రీ రిలీజ్ ఫంక్షన్ జరగబోతుంది. ఈ సినిమాలో ఎన్టీఆర్ మూడు విలక్షణమైన పాత్రలను పోషించాడు.

ఆల్రెడీ 'జై' .. 'లవ' పాత్రలకి సంబంధించిన ఫస్టులుక్ లు .. టీజర్లు రిలీజ్ చేశారు. ఇవి అభిమానులను ఎంతగానో ఆకట్టుకున్నాయి. రీసెంట్ గా 'కుశ' ఫస్టులుక్ వదిలిన ఈ సినిమా టీమ్, కొంతసేపటి క్రితం 'కుశ' పాత్రకి సంబంధించిన టీజర్ ను వదిలింది. కామెడీ .. యాక్షన్ సీన్స్ పై ఈ టీజర్ కట్ చేశారు. ఈ పాత్రలో ఎన్టీఆర్ మాస్ లుక్ తో కనిపిస్తున్నాడు. జై .. లవ .. పాత్రలకి పూర్తి భిన్నంగా ఈ పాత్ర కనిపిస్తూ ఉండటం విశేషం.

 

 

'కొట్టేయడంతో పాటు కొట్టడం కూడా వచ్చురా" అంటూ ఎన్టీఆర్ చెప్పిన డైలాగ్ ఆకట్టుకునేదిలా వుంది. మొదటి రెండు టీజర్ల మాదిరిగానే ఈ టీజర్ కూడా అభిమానుల్లో ఆనందాన్ని .. అందరిలో అంచనాలను పెంచేదిలా ఉందని చెప్పొచ్చు. అయితే యమదొంగ టీజర్ లా ఉందంటూ కాసింత కామెంట్లు కూడా వినిపిస్తున్నాయి.