జై లవకుశ రిలీజ్ డేట్ మారలేదు

Posted: 08/14/2017 06:41 PM IST

ఓవైపు జై లుక్కు, టీజర్ తో సోషల్ మీడియాను షేక్ చేసిన జూనియర్ ఎన్టీఆర్, మిగతా రెండు లుక్కుల్లో ఎలా కనిపించబోతున్నాడో అని ఫ్యాన్స్ ఉవ్విళ్లూరుతున్నారు. లవ ఫస్ట్ లుక్ తో కూడా క్లాస్ టచ్ ఇచ్చిన తారక్, టీజర్ ఎప్పుడు ఇస్తాడోనని వెయిట్ చేస్తున్నారు.

ఆపై కుశ ఫస్ట్ లుక్ అండ్ టీజర్ రావాల్సి ఉంటుంది. వీటితోపాటు ఆడియో వేడుక, ప్రమోషన్ల హడావుడి షరా మాములే. ఈ లెక్కన సినిమా అనుకున్న టైంకి రిలీజ్ అవుతుందా? అన్న అనుమానాలు వ్యక్తం కాగా, పోస్ట్ పోన్ అంటూ కొన్ని వార్తలు వినిపిస్తున్నాయి. ఈ నేపథ్యంలో నిర్మాత కళ్యాణ్ రామ్ స్పందించాడు. నిర్మాణ సంస్థ ఎన్టీఆర్ బ్యానర్ ఆర్ట్స్ ద్వారా ట్విట్టర్ లో ట్వీట్ చేశాడు.

Rumours about #JaiLavaKusa delay are wrong. We are coming on September 21st as planned. #LavaTeaser date will be revealed in a few days.

— NTR Arts (@NTRArtsOfficial) August 14, 2017

జై లవకుశ విషయంలో వస్తున్న వార్తలన్నీ వదంతులే. ముందుగా చెప్పిన తేదీ సెప్టెంబర్ 21న విడుదల చేసే ప్రయత్నాల్లో ఉన్నాం. త్వరలో లవ టీజర్ ను రిలీజ్ చేస్తాం అని వెల్లడించాడు. ఈ లెక్కన గాలి వార్తలకు పుల్ స్టాప్ పడినట్లయ్యింది.