బాహుబలిలా ఫీలయితే ప్రాణాలు పోవాల్సిందే!

Posted: 07/20/2017 03:48 PM IST

బాహుబలి మేనియా జనాల మైండ్ లోంచి ఇంకా దిగిపోలేదు. కళ్ల ముందు రాజమౌళి ఆవిష్కరించిన అద్భుతానికి ముఖ్యంగా నార్త్ ప్రేక్షకులు ఫిదా అయిపోయారు. అందుకే సినిమా క్రేజ్ ఇప్పటికీ అక్కడ కనిపిస్తూనే ఉంటుంది. అయితే సినిమాను సినిమాలాగే చూసి ఎంజాయ్ చేయాలే తప్ప.. అందులోని సీన్ లను ప్రేరణగా తీసుకుంటే ప్రాణాలు పోయే ప్రమాదం ఉంది. ముంబైలో సరిగ్గా ఇదే జరిగింది.

బాహుబలి ది బిగినింగ్ లో శివుడు ప్రభాస్ వాటర్ ఫాల్ ఎక్కాలనుకున్న ప్రతీసారి కిందకు జారే సీన్ ఉంటుంది, గుర్తుందా? సరిగ్గా ఓ టూరిస్ట్ లు ఇలాంటి ఫీటే చేయాలని యత్నించి ప్రాణాలు కోల్పోయారు. షాహపూర్ లోని మహులి వాటర్ ఫాల్ దగ్గర ఈ ఘటన చోటు చేసుకుంది. బివండికి చెందిన 27 ఏళ్ల ఇంద్రాపాల్ పాటిల్ అనే వ్యాపారి మహులి కోటకు టూర్ కు వెళ్లాడు. సరదాగా స్నేహితులతో ఎంజాయ్ చేస్తుండగా, వాటర్ ఫాల్ నుంచి బాహుబలి అంటూ దూకేశాడు.

అయితే సరిగ్గా రాయి మీద ల్యాండ్ అయ్యే సమయంలో కాలు జారి నీళ్ల అడుగు భాగంకు వెళ్లి మునిగి చనిపోయాడని పోలీసులు వెల్లడించారు. బాహుబలి రిలీజ్ అయ్యాక ఈ రెండేళ్లలో ఇలాంటి మరణాలు, ప్రమాదాలు చాలానే జరిగాయని స్థానిక పోలీసులు చెబుతున్నారు. సినిమా మొత్తం గ్రాఫిక్స్ తో చేసిందని, పైగా హీరోలు రోప్ ల సాయంతో ఫీట్లు చేస్తారని, విషయం తెలిసి కూడా కొందరు ఫోటోలు, వీడియోలు కోసం యత్నించి ఇలా ప్రాణాలు పోగోట్టుకుంటారని వారంటున్నారు. సో.. ప్లీజ్ డోంట్ ట్రై దిస్