రానా షో.. కాస్త సర్ ప్రైజింగ్ గానే...

Posted: 06/17/2017 03:34 PM IST

తెలుగు టీవీ షోలో యాంక‌ర్‌గా త్వ‌ర‌లోనే న‌టుడు రానా ఎంట్రీ ఇవ్వ‌బోతున్న విష‌యం తెలిసిందే. జెమిని టీవీలో త్వ‌ర‌లోనే ‘నెంబ‌ర్ వ‌న్ యారీ విత్ రానా’ అనే ప్రోగ్రాం ప్రారంభం కానుంది. సెలబ్రిటీల మనోగతం మీద జరగనున్న ఈ షో ద్వారా తన క్రేజ్ ను మరింత పెంచేసుకోవాలని భళ్లాలుడు భావిస్తున్నాడు. అందుకే ఇప్పటిదాకా ఇలా వచ్చిన టీవీ షోల కంటే భిన్నంగా చేస్తూ ఆకట్టుకుంటాడంట.

ఇక ఈ షో మొదటి ఎపిసోడ్ లోనే సర్ ప్రైజింగ్ గెస్ట్ లతో రానా రాబోతున్నాడంట. అక్కినేని హీరోలు నాగ‌చైత‌న్య‌, సుమంత్‌లు ఫస్ట్ ఎపిసోడ్ లో పాల్గొన్నారు. ఇందుకు సంబంధించి ఓ ఫోటోను సుమంత్ తన ట్విట్టర్ లో షేర్ చేసేశాడు కూడా. బావ నాగ చైతన్య, సుమంత్ త‌న ట్విట్ట‌ర్ ఖాతాలో పోస్ట్ చేశాడు. యాంక‌ర్‌గా రానాలోని కొత్తకోణం కూడా అద్భుతంగా ఉంద‌ని ఈ సంద‌ర్భంగా సుమంత్ అన్నాడు. ఆ ట్వీట్‌పై స్పందించిన రానా థ్యాంక్స్ సుమంత్ అన్న అని పేర్కొన్నాడు.

Me and @chay_akkineni had a blast! Your new turn is gonna rock @RanaDaggubati#No1Yaari pic.twitter.com/bPAP0UqFbR

— Sumanth (@iSumanth) June 17, 2017

షోకి సంబంధించి రానా మేకోవర్ కూడా కాస్త డిఫరెంట్ గానే ఉంది కూడా. ప్రస్తుతం తేజ నేనే రాజు నేనే మంత్రి సినిమాతోపాటు కన్నడలో రాజీవ్ గాంధీ హత్యపై తీయబోతున్న సినిమాలో కూడా రానా హీరోగా నటించబోతున్నాడు.