స్టార్ డైరక్టర్ తో సుమంత్ అశ్విన్

Posted: 02/23/2017 01:10 PM IST

తెలుగులో ఒకానోక టైంలో భారీ బడ్జెట్ చిత్రాలతో టాప్ ప్రోడ్యూసర్ గా ఓ వెలుగు వెలిగిన ఎంఎస్ రాజు తర్వాత అంతే పెద్ద దెబ్బలు తగలటంతో కనిపించకుండా పోయాడు. చివరిసారిగా 2012లో తూనీగ తూనీగ అంటూ తనయుడిని ఇంట్రడ్యూస్ చేస్తూ ఏకంగా మెగా ఫోన్ పట్టుకున్న ఈ పెద్దాయన మధ్యలో రమ్, రతి అంటూ కొన్ని ప్రయత్నాలు చేసినప్పటికీ ఆ చిత్రాలేవీ సగం షూటింగ్ కూడా జరుపుకోలేకపోయాయి. దీంతో  తిరిగి మళ్లీ నిర్మాణ ప్రయత్నాలు మొదలుపెట్టాడు.

ఈ మధ్య సరైన హిట్లు లేని సుమంత్ అశ్విన్ ను హీరోగా పెట్టి ఓ స్టార్ దర్శకుడితో సినిమా తీసేందుకు ప్రయత్నాలు ప్రారంభించాడు కూడా. నువ్వు నాకు నచ్చావ్, మన్మథుడు, జై చిరంజీవా చిత్రాల దర్శకుడు కే. విజయ్ భాస్కర్ డైరక్షన్ లో ఓ సినిమా త్వరలో షూటింగ్ ప్రారంభం కానుంది. మంచి కామెడీ ఎంటర్ టైనర్ లు అందించిన ఈ సీనియర్ దర్శకుడు చివరిసారిగా వెంకీ-రామ్ తో కలిసి బోల్ బచ్చన్ రీమేక్ ‘మసాలా’ తో డిజాస్టర్ అందించాడు. ఈసారి ఎలాగైనా హిట్ కొట్టాలన్న కసితో మంచి కథతో రాబోతున్నట్లు సమాచారం.

ఉషా పరిణయం అన్న టైటిల్ పరిశీలనలో ఉండగా, త్వరలోనే షూటింగ్ ప్రారంభించి, ఈ యేడాది చివర్లో రిలీజ్ చేసేందుకు ఎంఎస్ రాజు ప్లాన్ వేసుకుంటున్నాడు. ఇదిలా ఉంటే మరో సీనియర్ దర్శకుడు వంశీతో లేడీస్ టైలర్ సీక్వెల్ లో సుమంత్ నటిస్తున్న విషయం తెలిసిందే.