సల్మాన్ కోసం కంగనా ప్లేస్ లో తమన్నా

Posted: 02/07/2017 12:24 PM IST

చేతిలో బాహుబలి-2 లాంటి ప్రిస్టీజియస్ ప్రాజెక్టు తప్ప తెలుగులో అవకాశాలు లేకపోవటంతో తమన్నా దిగాలుగా ఉంది. ఆ మధ్య ఒకటి రెండు కోలీవుడ్ డబ్బింగ్ సినిమాలతో పలకరించిన తిరస్కరించేశారు టాలీవుడ్ ప్రేక్షకులు. దీంతో ఐటెం సాంగ్ లైనా ఫర్వాలేదు అడ్జస్ట్ అయిపోతానంటూ నిర్మాత, దర్శకులకు హింట్ ఇచ్చేసింది.

ఇదిలా ఉంటే బాలీవుడ్ కండల వీరుడు త్వరలో ద-బాంగ్ విదేశీ పర్యటన నిర్వహించబోతున్నాడు. కంగనా రనౌత్, బిపాసా బసు, ప్రభుదేవా, సోనాక్షి సిన్హా, డైసీ షా, మనిష్ పౌత్, వీరంతా ఈ టూర్ లో ఉన్నారు. అయితే చివరి నిమిషంలో మలేషియా కూడా జత చేరటంతో మరీ లాంగ్ షెడ్యూల్ అయిపోతుండటంతో కంగనా డ్రాప్ అయ్యిందంట. దీంతో ఈ ప్లేస్ లోకి తమన్నా వచ్చి చేరింది. ఈ విషయాన్ని తమ్మూయే స్వయంగా అనౌన్స్ చేసింది.

బాలీవుడ్ టీంతో ఇదేనా తొలి విదేశీ పర్యటన. అది కూడా సల్మాన్ లాంటి స్టార్ హీరో నేతృత్వంలో వెళ్లటం చాలా ఆనందంగా ఉందంటూ తమ్మూ ప్రకటించింది. ఏప్రిల్ 14న మలేషియాలోని మైన్స్ కన్వెషన్ లో నిర్వహించబోయే గ్రాండ్ ఈవెంట్ లో తమన్నా ఆడిపాడనుందంట. ఆ సంగతి పక్కన బెడితే బాలీవుడ్ లోనే మరో క్రేజీ ప్రాజెక్టులో అవకాశం దక్కించుకుందని తెలుస్తోంది.