కొత్త నోట్ల గౌన్.. అసలు కథ ఏంటంటే...

Posted: 12/14/2016 10:44 AM IST

పెద్ద నోట్ల రద్దుతో, ఇప్పుడు డబ్బులు లేక జనాలు... దేశం మొత్తం మీడియాలో నడుస్తున్న ఏకైక టాపిక్ ఇదే. బ్యాంకులు, ఏటీఎం ల ముందు క్యూలు కట్టేస్తూ కరెన్సీ కష్టాలు అనుభవిస్తున్నారంటూ వార్తలు ప్రసారం చేస్తున్నాయి. ఇదిలా ఉంటే సెలబ్రిటీల కష్టాలను కూడా తెలియజేస్తున్న మాధ్యమాలు ఓ గమ్మతైన వార్తను మొన్న ప్రసారం చేశాయి.

మహేష్ బాబు సరసన 1 నేనొక్కడినే సినిమాలో నటించిన కృతి సనన్ గుర్తుంది కదా. ఆ భామ ఓ ఈవెంట్ కి వేసుకొచ్చిన డ్రెస్ గురించి. అందులో 2 వేల నోట్లతో డిజైన్ చేసిన గౌన్ తో కనిపించి తళ తళలాడిపోయింది. పోనీ అది డిజైనా అనుకంటే అదీ కాదు. మొత్తం పెద్ద నోటుతోనే నింపేశారు. అంతే కెమెరా కళ్లు క్లిక్ మనిపిస్తే ఛానెళ్లన్నీ కాసేపు కరెన్సీ కష్టాలను పక్కనబెట్టి ఆ వార్తనే ప్రసారం చేశాయి.

అయితే అది ఫోటో షాప్ మహాత్యం అని కాస్త ఆలస్యంగా తెలిసింది. నిజానికి ఆ ఫంక్షన్ తాను ఏ డ్రెస్ వేసుకోచ్చానో చూడండి అంటూ కృతి సనన్ మరో ఫోటో పోస్ట్ చేసింది. మార్ఫింగ్ లో చేయి తిరిగిన వ్యక్తి ఎవరో దానిని సోషల్ మీడియాలో పెట్టేయగా, వెర్రిగా అది వైరల్ అయిపోయింది.

''వాళ్లు మార్ఫింగ్ చేసిన ఫోటోలను సర్కులేట్ చేయడమేంటో.. ఈ పాపులర్ మీడియాలన్నీ ఆ ఫోటోను ప్రచురించడం ఏంటో.. నాకు చిరాకొస్తుంది'' అంటూ చెప్పింది. ''ఈ ఫోటో షాప్ మ్యాజిక్ ను నిజం అనుకునే ఆ చిన్న చిన్న మెదడులకు ఒక దణ్ణం'' అంటూ కామెంట్ కూడా చేసింది.