ఎంగేజ్ మెంట్ తో ఇరికించేసిన సమంత

Posted: 11/23/2016 10:39 AM IST

సోషల్ మీడియాలో ఎప్పుడూ యాక్టివ్ గా ఉండే సమంత ఇండస్ట్రీలో చాలా మందితో క్లోజ్ రిలేషన్ షిప్ మెయింటెన్ చేస్తుంది. వారిలో యంగ్ మ్యూజిక్ డైరక్టర్ అనిరుధ్ ఒకడు. కొలవెరి పాటతో బాగా పాపులర్ అయిన ఈ కుర్రాడు ఆ మధ్య తనకన్నా వయసులో పెద్దదైన సింగర్ కమ్ నటి ఆండ్రియాతో ప్రేమ వ్యవహారం నడపటమేకాదు, ఏకంగా లిప్ లాక్ ఫోటోలను పబ్లిక్ గా పెట్టేసి హైలెట్ అయ్యాడు కూడా. ఆ తర్వాత బ్రేకప్ కావటం, ప్రస్తుతం ఒంటరి జీవితం గడపటం తెలిసిందే.

గత నాలుగు రోజులుగా కోలీవుడ్ మీడియాలో అనిరుధ్ సీక్రెట్ ఎంగేజ్ మెంట్ పై వార్తల మీద వార్తలు వచ్చేస్తున్నాయి. దీంతో స్పందించిన అనిరుధ్ తానింక సింగిల్ గానే ఉన్నానంటూ ఓ ట్వీట్ వేశాడు. మరి సమంత ఊరుకుంటుందా చెప్పండి? వెంటనే ఎందుకలా అంటావ్.. ‘తను మంచి అమ్మాయే కదా! షి ఈజ్ ఎ స్వీట్ గాళ్. ఏమైంది? అని రీ ట్వీట్ చేసింది. అంతే దెబ్బకి యవ్వారం పెద్ద దుమారం రేపింది. సమంత ఎలాగో అనిరుధ్ కి కాస్త క్లోజ్ కాబట్టి ఖచ్ఛితంగా ఆ వార్త నిజమై ఉంటుందని అంతా డిసైడ్ అయిపోయారు.

చివరికి అనిరుధ్ పేరెంట్స్ సీన్ లోకి ఎంటర్ అయితేనేగానీ అదంతా ఉత్తదేనని మీడియా కూడా నమ్మలేకపోయింది. అంతలా ఇరకించిందన్నమాట సామ్. అన్నట్లు అనిరుధ్ ప్రస్తుతం త్రివిక్రమ్-పవన్ కళ్యాణ్ చిత్రానికి సంగీతం అందించేందుకు సిద్ధమైపోతున్నాడు.