మెగా పాప వచ్చేస్తోంది...!

Posted: 06/21/2016 01:26 PM IST

Niharika heroine movie okamanasu releasing date confirm

మెగా ఫ్యామిలీ నుంచి హీరోయిన్ గా వస్తున్న కొణిదెల నిహారికా హీరోయిన్ గా, నాగశౌర్య హీరోగా తెరకెక్కిన సినిమా ఒక మనసు. ఈ సినిమాకి రామరాజు దర్శకత్వం వహించాడు. ఒక బ్యూటిఫుల్ లవ్ స్టోరీగా తెరకెక్కిన ఈ సినిమా ఆడియో హిట్ అయిన సంగతి తెలిసిందే.

ఇప్పుడు ఈ సినిమాని జూన్ 24వ తేదిన ప్రేక్షకుల ముందుకు తీసుకురానున్నారు. ఆవకాయ్ బిర్యానీ అంటూ యూట్యూబ్ సీరిస్ ద్వారా తన అభినయంతో అందర్ని ఆకట్టుకున్న నిహారిక ఈ సినిమా ద్వారా వెండితెరపై హీరోయిన్ గా తన అదృష్టాన్ని పరీక్షించుకోనుంది. ఇప్పటికే యాంకర్ గా మంచి మార్కులు కొట్టేసిన ఈ మెగా పాప వెండితెరపై ఎలా ఉంటుందో అని మెగా అభిమానులు ఆసక్తిగా ఎదురుచూస్తున్నారు.

మెగా ఫ్యామిలీ నుంచి వస్తున్న మొట్టమొదటి హీరోయిన్ గా తెరంగేట్రం చేయనుంది నిహారిక. ఒక మనసు చిత్రం తన భవితవ్యాన్ని తేల్చనుంది. ఈ సినిమా హిట్ అయితే ఇక నిహారిక కి ఇండస్ట్రీలో వరుస ఆఫర్లు వస్తాయని చెప్తున్నారు సినీ విశ్లేషకులు. ఖచ్చితంగా తన అభినయంతో ఆకట్టుకుంటుందని చిత్రయూనిట్ కాన్ఫిడెంట్ గా ఉంది.

- మూర్తి