ఈమెకు ప్రేమ చావదు.. పుట్టదంట!

Posted: 05/19/2016 11:35 AM IST

నాగశౌర్య, నిహారిక జంటగా నటిస్తున్న తాజా చిత్రం ‘ఒక మనసు’. ‘మల్లెల తీరంలో’ అనే బ్యూటీఫుల్ చిత్రాన్ని అందించిన ప్రముఖ దర్శకుడు రామరాజు దర్శకత్వంలో రూపొందుతున్న ఈ ‘ఒక మనసు’ చిత్రాన్ని మధుర శ్రీధర్, టీవి9 సంయుక్తంగా నిర్మిస్తున్నాయి. సునీల్ కశ్యప్ సంగీతం అందించిన పాటలు నిన్న విడుదలయ్యాయి.

Also Readl: స్టేజ్ మీద మెలికలు తిరిగిన హీరో

పాటలు చాలా బాగున్నాయి. అలాగే ఈ చిత్ర థియేటర్ ట్రైలర్ ను కూడా నిన్న విడుదల చేసారు. ఈ ట్రైలర్ చూస్తుంటే చాలా అద్భుతంగా వుంది. పండు వెన్నెల్లో.. సాగర తీరాన.. అలలు తాకుతూ వుంటే మనసుకు ఎంత ప్రశాంతత, హాయిని అందిస్తుందో.. ఈ ‘ఒక మనసు’ ట్రైలర్ ను చూస్తుంటే అలా అనిపిస్తుంది.

నిహారిక, నాగశౌర్యల కెమిస్ట్రీ బాగుంది. నిహారిక చాలా బబ్లీగా, హోమ్లీ లుక్ లో కనిపిస్తోంది. దర్శకుడు వంశీ సినిమాల్లోని హీరోయిన్ల వలే నిహారిక లుక్ చాలా అందంగా వుంది. ఇక ఈ ట్రైలర్ చూస్తుంటే బ్యూటీఫుల్ లవ్ ఎంటర్ టైనర్ అని అర్థమవుతోంది. ప్రేమ, కుటుంబం, బాధ్యతలు, బంధుత్వాలు, వాటి విలువలు అనే అంశాలతో చాలా చక్కగా తీర్చిదిద్దినట్లుగా కనిపిస్తుంది.

Also Readl: చెప్పేసాడు బ్రదర్

పైగా ఈ ట్రైలర్ చివర్లో నిహారిక చెప్పిన ‘నీ మీద ప్రేమా చావదు.. ఇంకొకరి మీద ప్రేమా పుట్టదు సూర్య’ అనే డైలాగ్ దాదాపు అందరికి కనెక్ట్ అయ్యే విధంగా వుంది. ఈ అందమైన ప్రేమకథా చిత్రాన్ని త్వరలోనే ప్రేక్షకుల ముందుకు తీసుకురానున్నారు.