చంద్రశేఖరుడిని ఆహ్వానించిన ‘గౌతమీపుత్ర శాతకర్ణి’

Posted: 04/21/2016 11:02 AM IST

Balakrishna invites telangana cm kcr for gautamiputra satakarni

నందమూరి బాలకృష్ణ తన 100వ చిత్రం ‘గౌతమీపుత్ర శాతకర్ణీ’ని అఖండ భారతావనని పరిపాలించిన తొలి తెలుగు రాజైన గౌతమీ పుత్ర శాతకర్ణి జీవితం ఆధారంగా తెరకెక్కించనున్నారు. ప్రముఖ దర్శకుడు క్రిష్ దర్శకత్వంలో రూపొందనున్న ఈ చిత్రాన్ని భారీ బడ్జెట్ తో ప్రతిష్టాత్మకంగా బిబో శ్రీనివాస్ సమర్పణలో రాజీవ్ రెడ్డి, సాయిబాబు ఈ సినిమా నిర్మిస్తున్నారు.

ఈనెల 22న హైదరాబాద్ అన్నపూర్ణ స్టూడియోస్ లో ఉదయం ‘గౌతమీపుత్ర శాతకర్ణి’ ప్రారంభోత్సవం అంగరంగ వైభవంగా జరుగబోతోంది. ఈ ప్రారంభోత్సవ కార్యక్రమానికి తెలంగాణ రాష్ట్ర ముఖ్యమంత్రి కె. చంద్రశేఖర్ రావు గారిని బాలయ్య మరియు దర్శకుడు క్రిష్ కలిసి ఆహ్వానించారు. ఈ కార్యక్రమానికి కేసిఆర్ రానున్నారు.

నాయకి ఆడియోలో బాలయ్య చిలిపి చేష్టలు

ఈ నాటి అఖండ భారతదేశానికి ఆనాడే అంకురార్పణ చేసిన రారాజు గౌతమీ పుత్ర శాతకర్ణి. అఖండ భారతావనిని పరిపాలించిన తొలి తెలుగు రాజైన గౌతమీ పుత్ర శాతకర్ణి జీవితాన్ని తెలుసుకుంటే రోమాంచితమవుతుంది. కృష్ణానదీ తీరాన అమరావతిని, గోదావరి తీరంలోని కరీంనగర్ జిల్లా కోటిలింగాల పల్లిని, మహారాష్ట్రలోని నాసిక్ సమీపంలోని ప్రతిష్ఠాన పురం ను రాజధానులుగా చేసుకుని పరిపాలన సాగించారు గౌతమీ పుత్ర శాతకర్ణి.

చారిత్రక కథాంశంతో రూపొందుతున్న ఈ చిత్రం విజువల్స్ వండర్ గా తీర్చిదిద్దేందుకు దర్శకుడు క్రిష్ సన్నాహాలు చేస్తున్నారు. ఈ చిత్రం రెగ్యులర్ షూటింగ్ మే నెల నుంచి జరుపుకోనుంది. దేవిశ్రీప్రసాద్ సంగీతం అందించనున్నాడు.