ఫిబ్రవరి 18న స్టైలిష్ స్టార్ ‘సరైనోడు’ టీజర్ విడుదల

Posted: 02/15/2016 01:07 PM IST

‘సన్నాఫ్ సత్యమూర్తి’ తర్వాత అల్లు అర్జున్ హీరోగా నటిస్తున్న ‘సరైనోడు’ చిత్రం కోసం స్టైలిష్ స్టార్ అభిమానులు ఎంతగానో ఎదురుచూస్తున్నారు. ఇప్పటికే విడుదలైన ఈ చిత్ర ఫస్ట్ లుక్ పోస్టర్ కు భారీ రెస్పాన్స్ వచ్చింది. ఇందులో బన్నీ చాలా స్టైలిష్, మాసివ్ హీరోగా కనిపిస్తున్నాడు. టైటిల్ కు తగ్గట్లుగానే బన్నీ లుక్ వుండటంతో మరింత రెస్పాన్స్ ఎక్కువయ్యింది.

అయితే వాలెంటైన్స్ డే కానుకగా ఫిబ్రవరి 14న ఈ చిత్ర ఫస్ట్ లుక్ టీజర్ ను విడుదల చేయాలని అనుకున్నారు. కానీ టీజర్ ను 18ఫిబ్రవరిన విడుదల చేయబోతున్నట్లుగా చిత్ర యూనిట్ అధికారికంగా ప్రకటించారు. ఈ సినిమాలో బన్నీ క్యారెక్టర్ ఎలా వుండబోతుందోనని అభిమానులు ఎంతో ఆతృతగా ఎదురుచూస్తున్నారు.

బోయపాటి శ్రీను దర్శకత్వంలో తెరకెక్కుతున్న ఈ చిత్రాన్ని గీతా ఆర్ట్స్ బ్యానర్ పై ప్రముఖ నిర్మాత అల్లు అరవింద్ నిర్మిస్తున్నారు. ఇందులో బన్నీ సరసన రకూల్ ప్రీత్ సింగ్, కెథరిన్ థ్రెసా హీరోయిన్లుగా నటిస్తున్నారు. థమన్ సంగీతం అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.