25 ఏళ్ల తర్వాత మాజీ మొగుడితో సీత జోడి

Posted: 12/21/2015 02:54 PM IST

Parthiban and seetha join for oru melliya kodu

తెలుగు, తమిళ భాష సినిమాల్లో క్యారెక్టర్ ఆర్టిస్ట్ గా మంచి పేరును సంపాదించుకున్న నటి సీత. అలాంటి సీత తన మాజీ భర్తతో కలిసి నటించడానికి సిద్ధమవుతోంది. ఆ మాజీ భర్త మరెవరో కాదు... తెలుగు, తమిళం భాషలలో విభిన్న పాత్రలతో, తనకంటూ ఓ ప్రత్యేక గుర్తింపును దక్కించుకున్న నటుడు పార్తిబన్.

పార్తిబన్-సీత కలిసి ‘పుదియపాదై’ చిత్రంలో నటించారు. ఈ సినిమా మంచి విజయం సాధించింది. ఈ సినిమా సమయంలోనే వీరిద్దరూ ప్రేమలో పడ్డారు. ఆ తర్వాత పెళ్లి చేసుకున్నారు. కానీ కొంతకాలం తర్వాత వీరిద్దరి విభేదాలు వచ్చి, విడాకులు తీసుకున్నారు. అప్పటి నుంచి వీరిద్దరూ విడివిడిగానే జీవిస్తున్నారు.

అయితే విడిపోయిన ఈ జంటను వెండితెర మీద మళ్లీ కలపబోతున్నాడు దర్శకుడు ఎఎంఆర్ రమేష్. రమేష్ దర్శకత్వంలో తెరకెక్కుతున్న తాజా చిత్రం ‘ఒరు మెల్లియకొడు’. అర్జున్, శ్యామ్, మనీషా కొయిరాలా ప్రధాన పాత్రలలో నటిస్తున్నారు. ఇందులో సీత-పార్తిబన్ లు కీలక పాత్రలలో నటించనున్నారు. 25 ఏళ్ల తర్వాత మళ్లీ ఈ జంట కలిసి నటించనుండటం తమిళంలో హాట్ టాపిక్ గా మారింది.