సంగీత దర్శకుడు దేవిశ్రీప్రసాద్ తండ్రి కన్నుమూత

Posted: 12/14/2015 09:38 AM IST

Devi sri prasad father sathyamurthy passes away

సౌత్ ఇండియన్ రాకింగ్ స్టార్, మ్యూజిక్ డైరెక్టర్ దేవిశ్రీప్రసాద్ తండ్రి ప్రముఖ రచయిత, సంగీత దర్శకుడు సత్యమూర్తి(61) ఈరోజు తెల్లవారు జామున గుండెపోటుతో చెన్నైలో మృతిచెందారు. సత్యమూర్తి దాదాపు వంద సినిమాలకు రచయితగా పనిచేసారు. రచయితగా ఆయన తొలి సినిమా దేవత. ఆ తర్వాత ఎన్నో సూపర్ హిట్ చిత్రాలకు రచయితగా పనిచేసారు.

సత్యమూర్తి అంత్యక్రియలు ఈరోజు సాయంత్రం చెన్నైలో జరుగనున్నాయి. సత్యమూర్తి మృతిపట్ల పలు సినీ ఇండస్ట్రీవారు తీవ్ర దిగ్ర్భాంతి వ్యక్తం చేస్తున్నారు. సత్యమూర్తి తనయులు ఇద్దరూ (దేవిశ్రీప్రసాద్, సాగర్) కూడా సినిమా ఇండస్ట్రీలో తమకంటూ ఓ మంచి గుర్తింపును దక్కించుకున్నారు.