దుమ్మురేపుతున్న బాలయ్య ‘డిక్టేటర్’ ప్రీ బిజినెస్

Posted: 12/04/2015 11:53 AM IST

Balakrishna dictator movie pre release business

నందమూరి నటసింహం బాలకృష్ణ ‘డిక్టేటర్’ చిత్రం ప్రీ రిలీజ్ బిజినెస్ పరంగా హాట్ టాపిక్ గా మారింది. గతకొద్ది కాలంగా బాలయ్య తన వరుస బ్లాక్ బస్టర్ హిట్ చిత్రాలతో దుమ్మురేపుతున్నాడు. స్టార్ హీరోలతో పోటీగా తన సత్తా ఏంటో చూపిస్తున్నాడు. అలాంటి బాలయ్య నటిస్తున్న తాజా చిత్రం ‘డిక్టేటర్’

ప్రముఖ దర్శకుడు శ్రీవాస్ దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు. థమన్ సంగీతం అందిస్తున్నాడు. అంజలి, సొనాల్ చౌహన్, అక్షలు హీరోయిన్లుగా నటిస్తున్నారు.

ఇప్పటికే విడుదలైన ఫస్ట్ లుక్ టీజర్ భారీ రెస్పాన్స్ ను సొంతం చేసుకుంది. అయితే ఈ సినిమా వచ్చే ఏడాది సంక్రాంతి కానుకగా విడుదల కానుంది. దీంతో ఈ సినిమా ప్రీ బిజినెస్ మొదలయ్యింది. అన్ని ఏరియాల నుంచి డిస్ట్రిబ్యూషన్ రైట్స్ కోసం భారీ పోటీ ఏర్పడింది. తాజా సమాచారం ప్రకారం ఈ సినిమా ప్రీ రిలీజ్ బిజినెస్ 40 కోట్లు క్రాస్ చేసినట్లుగా తెలిసింది.

ఇక పాటలు, వీడియోలు, థియేటర్ ట్రైలర్ విడుదలైతే సినిమా క్రేజ్ ఇంకా పెరిగి, బిజినెస్ మరింతగా పెరగడం ఖాయమంటున్నాయి సినీ వర్గాలు. కమర్షియల్ స్టైలిష్ యాక్షన్ ఎంటర్ టైనర్ గా రూపొందుతున్న ఈ సినిమాపై అంచనాలు బాగా పెరిగిపోయాయి. ఈనెల 20న అమరావతిలో ఆడియో విడుదల చేయనున్నారు. వచ్చే ఏడాది సంక్రాంతి కానుకగా సినిమాను విడుదల చేయనున్నారు.