ఒకేరోజున సందడి చేయనున్న ‘రోబో2- కబలి’

Posted: 12/02/2015 04:44 PM IST

Rajinikanth kabali first look release date

తమిళ సినీ ప్రేక్షకుల సూపర్ స్టార్ రజనీకాంత్ ఈ ఏడాది తన అభిమానులకు డబుల్ ధమాకాతో అలరించనున్నాడు. డిసెంబర్ 12న రజనీకాంత్ పుట్టినరోజు. ఈ పుట్టినరోజు వేడుక కోసం రజనీకాంత్ ఫ్యాన్స్ ఎంతగానో ఎదురుచూస్తుంటారు. రజనీకాంత్ నటించిన సినిమాలు హిట్టయ్యిన, ఫ్లాప్ అయినా కూడా వారి అభిమానంలో మాత్రం ఎలాంటి తేడా వుండదు.

అయితే ఈసారి మాత్రం డబుల్ ధమాకా కానుకను ఇవ్వబోతున్నాడు రజనీకాంత్. ప్రస్తుతం రజనీకాంత్ నటిస్తున్న తాజా చిత్రం ‘కబలి’. రంజిత్ దర్శకత్వంలో తెరకెక్కుతున్న ఈ చిత్ర షూటింగ్ చివరి దశకు చేరుకుంది. ఈ సినిమాకు సంబంధించిన ఫస్ట్ లుక్ టీజర్ ను రజనీకాంత్ పుట్టినరోజు సంధర్భంగా డిసెంబర్ 12న విడుదల చేయనున్నారు.

అదే విధంగా అదేరోజున రజనీకాంత్ చేయబోయే ‘రోబో2’ సినిమాను ప్రారంభించనున్నారు. ప్రముఖ దర్శకుడు శంకర్ దర్శకత్వంలో రూపొందనున్న ఈ చిత్రం గతంలో వచ్చిన ‘రోబో’ చిత్రం కంటే మరింత ఎక్కువ బడ్జెట్ తో, అత్యాధునిక సాంకేతిక విలువలతో రూపొందనుంది. ఈనెల 18 నుంచి ‘రోబో2’ చిత్ర షూటింగ్ లో రజనీకాంత్ పాల్గొననున్నాడు. మొత్తానికి డిసెంబర్ 12న రజనీకాంత్ ఫ్యాన్స్ కు పండగే పండగ.