డిసెంబర్ లో మెగాపవర్ స్టార్ స్టేజ్ డాన్స్ షో

Posted: 11/23/2015 10:59 AM IST

మెగాపవర్ స్టార్ గా గుర్తింపును దక్కించుకున్న రాంచరణ్ ఇప్పటివరకు సినిమాల్లో కాకుండా బయట ఏ కార్యక్రమాల్లో కూడా డాన్సులు చేయలేదు. ప్రస్తుతం టాలీవుడ్ లో వున్న డాన్సింగ్ హీరోలలో రాంచరణ్ కూడా ఒకరు. తన యాక్టింగ్ తోనే కాకుండా డాన్సుల్లో కూడా తనకంటూ ఓ ప్రత్యేక ఇమేజ్ ను సొంతం చేసుకున్నాడు.

తన మొదటి చిత్రం ‘చిరుత’లోని తొలిపాటలోనే అదిరిపోయే స్టెప్పులేసి, అందరికి షాక్ ఇచ్చాడు. ఆ తర్వాత వచ్చిన ‘మగధీర’ నుంచి ఇటీవలే విడుదలైన ‘బ్రూస్ లీ’ చిత్రం వరకు తన డాన్సులతో అదరగొడుతూ, టాలీవుడ్ డాన్సింగ్ హీరోలలో ఒకరిగా కొనసాగుతున్నాడు. అయితే ఇప్పటివరకు కేవలం సినిమాల్లోనే డాన్సులేసిన రాంచరణ్ త్వరలోనే స్టేజ్ షో ఇవ్వనున్నాడు. ఇందుకు IIFA వేదిక కానుంది.

సౌత్ ఇండియాలో IIFA ఉత్సవం సినీ అవార్డుల ప్రధానోత్సవ కార్యక్రమం జరుగనున్న విషయం తెలిసిందే. ఈ వేడుకలో చరణ్ లైఫ్ డాన్స్ చేయనున్నాడు. అందుకుగాను ప్రస్తుతం చరణ్ డాన్స్ రిహార్సల్స్ లో ప్రాక్టిస్ చేస్తూ బిజీగా వున్నాడు. ఈ ఈవెంట్ డిసెంబర్ లో 4, 5, 6 తేదిలలో హైదరాబాద్ లోని గచ్చిబౌలి స్టేడియంలో జరుగనుంది. మరి ఈ ఈవెంట్ లో చెర్రీ ఎలా అలరించనున్నాడో చూడాలి.

ఇక ‘బ్రూస్ లీ’ తర్వాత రాంచరణ్ తమిళంలో విజయం సాధించిన ‘థని ఒరువన్’ చిత్ర రీమేక్ లో నటించనున్నాడు. ఈ రీమేక్ చిత్రానికి సురేందర్ రెడ్డి దర్శకత్వం వహించనున్నాడు. ప్రస్తుతం ఈ రీమేక్ కు సంబంధించిన ప్రీ ప్రొడక్షన్ కార్యక్రమాల్లో సురేందర్ రెడ్డి బిజీగా వున్నారు. ఈ ప్రాజెక్ట్ వచ్చే ఏడాది జనవరిలో సెట్స్ పైకి వెళ్లనుంది. త్వరలోనే అన్ని వివరాలను చిత్ర యూనిట్ ప్రకటించనున్నారు.