దీపావళికి మహేష్ ఇంట్లో రేంజ్ రోవర్ సందడి

Posted: 11/10/2015 01:30 PM IST

‘శ్రీమంతుడు’ సక్సెస్ తో ఫుల్ జోష్ లో వున్నాడు టాలీవుడ్ ప్రిన్స్ మహేష్ బాబు. ఈ సినిమాతో హీరోగానే కాకుండా నిర్మాతగా కూడా మంచి సక్సెస్ ను తన ఖాతాలో వేసుకున్నాడు. ప్రస్తుతం అదే జోష్ తో మహేష్ దీపావళి సంబరాలను ముందుగానే ప్రారంభించేసాడు.

తాజాగా మహేష్ ఓ రేంజ్ రోవర్ కారును దీపావళి సంధర్భంగా కొనుగోలు చేసాడు. తన కొడుకు గౌతమ్, కూతురు సితారలతో కలిసి ఆ కారు ముందు మహేష్ ఫోటో దిగాడు. ప్రస్తుతం ఆ ఫోటో సోషల్ మీడియాలో తెగ హల్చల్ చేస్తోంది.

ప్రస్తుతం మహేష్ నటిస్తున్న తాజా చిత్రం ‘బ్రహ్మోత్సవం’. శ్రీకాంత్ అడ్డాల దర్శకత్వంలో తెరకెక్కుతున్న ఈ భారీ బడ్జెట్ చిత్రాన్ని తెలుగు, తమిళం భాషలలో పివిపి బ్యానర్ పై నిర్మాత ప్రసాద్.వి.పోట్లూరి నిర్మిస్తున్నారు. ఈ చిత్ర షూటింగ్ శరవేగంగా జరుగుతోంది. సంక్రాంతి కానుకగా విడుదల చేయనున్నారు.