వారెవ్వా... అఖిల్ ట్రైలరంటే.. సిరిగిపోయిందిపో!

Posted: 11/04/2015 07:03 PM IST

అక్కినేని అఖిల్ నటించిన ‘అఖిల్’ సినిమా ఈనెల 11వ తేదిన ప్రపంచ వ్యాప్తంగా విడుదల కానున్న విషయం తెలిసిందే. వి.వి.వినాయక్ దర్శకత్వంలో తెరకెక్కిన ఈ చిత్రం ట్రైలర్ అంతగా సినిమాపై అసక్తి పెంచలేకపోయింది. దీంతో సినిమాలో అంతగా ఏం ఆకట్టుకునే అంశాలు లేవని సినీ అభిమానులు నిరాశ చెందారు. కానీ అఖిల్ తమిళ ట్రైలర్ ఆ అపోహాలను మార్చేసింది.

‘అఖిల్’ సినిమాను తమిళంలో కూడా విడుదల చేస్తున్నారు. ఇందుకు సంబంధించిన తమిళ ట్రైలర్ ను తాజాగా విడుదల చేసారు. ఈ ట్రైలర్ అదిరిపోయింది. ట్రైలర్ చూస్తుంటే ‘అఖిల్’ సినిమాపై అంచనాలు మరింతగా పెంచేస్తున్నాయి. అఖిల్ లుక్స్ పరంగా చాలా చక్కగా కనిపిస్తున్నాడు. అంతే కాకుండా స్టోరీలో ఏదో మంచి మ్యాటర్ వున్నట్లుగానే అనిపిస్తోంది.

భారీ అంచనాలతో రూపొందిన ఈ చిత్రాన్ని అన్నపూర్ణ స్టూడియోస్ సమర్పణలో శ్రేష్ట్ మూవీస్ బ్యానర్ పై హీరో నితిన్ భారీ బడ్జెట్ తో నిర్మించారు. తమిళంలో సికె ఎంటర్ టైన్మెంట్స్ బ్యానర్ పై నిర్మాత సి.కళ్యాణ్ విడుదల చేస్తున్నారు. ‘పవర్ ఆఫ్ జువా’ ట్యాగ్ లైన్ తో వస్తున్న ఈ చిత్రానికి అనూప్ రూబెన్స్, థమన్ సంయుక్తంగా సంగీతం అందించారు.

అఖిల్ సరసన సయేశా సైగల్ హీరోయిన్ గా నటించింది. లవ్, రొమాంటిక్ యాక్షన్ ఎంటర్ టైనర్ గా రూపొందిన ‘అఖిల్’ సినిమా ఈ దీపావళికి భారీగా సందడి చేయనుంది. మరి ‘అఖిల్’ సినిమా ఎలాంటి విజయం సాధించనుందో చూడాలి.