ఎప్పటికైనా పవర్ స్టార్ కు గుడి కట్టేస్తాడట!

Posted: 11/03/2015 03:41 PM IST

Comedian shakalaka shankar wants to build a temple for pawan kalyan

పవర్ స్టార్ పవన్ కళ్యాణ్ కు ఎప్పటికైనా గుడికట్టేస్తానంటున్నాడు యువ కమెడియన్ షకలక శంకర్. ప్రముఖ టీవి ఛానెల్లో ప్రసారమయ్యే ‘జబర్దస్త్’ కార్యక్రమం ద్వారా భారీగా క్రేజ్ ను దక్కించుకున్నాడు కమెడియన్ షకలక శంకర్. ఈ ఒక్క కార్యక్రమంతో వరుస అవకాశాలను దక్కించుకుంటున్నాడు. తనదైన శైలిలో కామెడీని పండిస్తూ సినీ ప్రేక్షకులకు మరింత చేరువయ్యాడు.

పవన్ కళ్యాణ్ కు షకలక శంకర్ వీరాభిమాని. ‘జబర్ధస్త్’ కార్యక్రమంలో ఏకంగా పవన్ కళ్యాణ్ పై ఓ పాటను రాసి, పవన్ కళ్యాణ్ ఫోటోను పెయింటింగ్ వేసి అదరగొట్టేసాడు. ఆ స్కిట్ కు పవర్ స్టార్ అభిమానుల నుంచి భారీ ప్రశంసలు వచ్చాయి. అలాగే ఇటీవలే విడుదలైన ‘రాజు గారి గది’ సినిమాలో కూడా పవన్ కళ్యాణ్ నామ జపం చేసి అదరగొట్టేసాడు.

Video Courtesy : etvteluguindia

అయితే బాగా డబ్బులు సంపాదించి, ఎప్పటికైనా తన సొంత ఊరిలో పవన్ కళ్యాణ్ కు గుడి కడతానని చెబుతున్నాడు షకలక శంకర్. మరి వరుస సినిమాలతో దూసుకుపోతున్న షకలక శంకర్ మరెన్నో సినిమాలలో నటించి, ప్రేక్షకులను అలరించాలని కోరుకుందాం.