విడుదలైన అనుష్క ‘సైజ్ జీరో’ పాటలు

Posted: 11/02/2015 11:39 AM IST

‘బాహుబలి’, ‘రుద్రమదేవి’ చిత్రాల తర్వాత సౌత్ ఇండియన్ స్టార్ హీరోయిన్ అనుష్క నటిస్తున్న తాజా చిత్రం ‘సైజ్ జీరో’. ఆర్య, సోనల్ చౌహన్ ప్రధాన పాత్రలలో నటించారు. ప్రకాష్ కోవెలమూడి దర్శకత్వంలో రూపొందుతున్న ఈ చిత్రాన్ని తెలుగు, తమిళం భాషలలో భారీ బడ్జెట్ తో ప్రముఖ నిర్మాణ సంస్థ పివిపి బ్యానర్ పై నిర్మాత ప్రసాద్.వి.పోట్లూరి నిర్మిస్తున్నారు.

యం.యం.కీరవాణి సంగీతం అందించిన ఈ చిత్ర ఆడియోను తాజాగా హైదరాబాద్ లో విడుదల చేసారు. ఎస్.ఎస్.రాజమౌళి థియేట్రికల్ ట్రైలర్ ను విడుదల చేసారు. బిగ్ సీడీ మరియు ఆడియో సీడీలను దర్శకేంద్రుడు కె.రాఘవేంద్రరావు ఆవిష్కరించారు. తొలి సీడీని రానా స్వీకరించారు. ఈ కార్యక్రమానికి అనుష్క, ఆర్య, సోనల్ చౌహన్, రాజమౌళి, వంశీ పైడిపల్లి, గోపిచంద్ మలినేని, ఆలీ, శ్యాంప్రసాద్ రెడ్డి తదితరులు పాల్గొన్నారు.

ఇప్పటికే విడుదలైన ట్రైలర్లు, వీడియోలకు మంచి రెస్పాన్స్ వస్తోంది. ఈ సినిమాని ప్రపంచ వ్యాప్తంగా నవంబర్ 27న తెలుగు, తమిళంలో ఈ చిత్రాన్ని 1500 స్క్రీన్స్ లో సినిమా రిలీజ్ చేస్తున్నారు. త్వరలోనే అన్ని వివరాలను ప్రకటించనున్నారు.

అనుష్క, ఆర్య, భరత్, ఊర్వశి, సోనాల్ చౌహాన్, ప్రకాష్ రాజ్ తదితరలు ప్రధాన తారాగణంగా నటిస్తోన్న ఈ చిత్రానికి సంగీతం: యం.యం.కీరవాణి, సినిమాటోగ్రఫీ: నిరవ్ షా, ఆర్ట్: ఆనంద్ సాయి, ఎడిటింగ్: ప్రవీణ్ పూడి, కాస్ట్యూమ్స్: ప్రశాంత్, కథ-స్క్రీన్ ప్లే: కణిక థిల్లాన్ కోవెలమూడి, ఎగ్జిక్యూటివ్ నిర్మాత: సందీప్ గుణ్ణం, నిర్మాత: ప్రసాద్ వి.పొట్లూరి, దర్శకత్వం: ప్రకాష్ కోవెలమూడి.