అంచనాలు పెంచేస్తున్న సల్మాన్ ‘సుల్తాన్’ ఫస్ట్ లుక్

Posted: 10/10/2015 11:17 AM IST

సల్మాన్ ఖాన్ ప్రధాన పాత్రలో నటిస్తున్న తాజా చిత్రం ‘సుల్తాన్’. భారీ హిట్ చిత్రాల నిర్మాణ సంస్థ యశ్ రాజ్ ఫిలిమ్స్ భారీ బడ్జెట్ తో నిర్మిస్తున్న ఈ చిత్రానికి అలీ అబ్బాస్ జాఫర్ దర్శకత్వం వహిస్తున్నారు. తాజాగా ఈ చిత్ర ఫస్ట్ లుక్ స్టిల్ ను విడుదల చేసారు.

మల్లయోధుడి జీవిత చరిత్ర ఆధారంగా రూపొందుతున్న ఈ సినిమాలో సల్మాన్ మల్లయోధుడిగా నటిస్తున్నాడు. ఈ ఫస్ట్ లుక్ లో సల్మాన్ చాలా మాసివ్ గా కనిపిస్తున్నాడు. గడ్డం, మీసాలతో రఫ్ గా కనిపిస్తున్నాడు. ఈ ఫస్ట్ లుక్ పై అభిమానులు సంతోషం వ్యక్తం చేస్తున్నారు.

రెజ్లింగ్ అంటే ఆట మాత్రమే కాదు.. అది మనలో నిరంతరం జరిగే యుద్ధం అంటూ సల్మాన్ ఈ ఫస్ట్ లుక్ తో పాటు తన సోషల్ మీడియాలో పోస్ట్ చేసారు. దీంతో ఈ సినిమాపై అంచనాలు మరింతగా పెరిగిపోయాయి. వచ్చే ఏడాది రంజాన్ సంధర్భంగా ఈ చిత్రాన్ని విడుదల చేయనున్నారు.