తప్పులు సరిదిద్దుకుంటున్న నాగార్జున

Posted: 10/01/2015 01:10 PM IST

Soggade chinni nayana movie reshoot nagarjuna other celebrities ramya krishna lavanya tripathi

ఐదుపదుల వయస్సు దాటినా ఇప్పటికీ టాలీవుడ్ మన్మథుడిగా చెలామణి అవుతున్న నాగార్జున కొన్ని తప్పులు చేశాడు. అనుకోకుండా జరిగిపోయిన ఆ తప్పులను సరిదిద్దుకునేందుకు రెడీ అయ్యాడు. ఇతనితోపాటు మరికొందరు సెలబ్రిటీలు కూడా ఆ తప్పులు చేయడంతో.. వారు కూడా సరిదిద్దుకునే పనిలో నిమగ్నమయ్యారు. ఇంతకీ వారు చేసిన తప్పేంటి? అని అనుకుంటున్నారా! ఆ వివరాలు తెలియాలంటే మేటర్ లోకి వెళ్లాల్సిందే!

‘మనం’ తర్వాత చాలా గ్యాప్ తీసుకుని నాగార్జున నటిస్తున్న తాజా చిత్రం ‘సోగ్గాడే చిన్నినాయనా’. ఈ సినిమాలో నాగార్జున ద్విపాత్రాభినయంలో నటిస్తుండగా.. రమ్యక్రిష్ణ, లావణ్య త్రిపాఠి హీరోయిన్లుగా కనిపంచనున్నారు. ఆత్మల కాన్సెప్ట్ తో రానున్న ఈ సినిమా ఆధ్యంతం ప్రేక్షకులను కడుపుబ్బా నవ్విస్తుందని ఈ చిత్ర టీం అంటోంది. ఇప్పటికే ఈ సినిమా షూటింగ్ పూర్తయ్యింది. ఈ సినిమాని డిసెంబర్ లో రిలీజ్ చెయ్యడానికి నాగార్జున, అతని ప్రొడక్షన్ టీం ప్లాన్ సన్నాహాలు చేస్తోంది. అయితే.. షూటింగ్ నిమిత్తం సినిమా మొత్తాన్ని ఎడిట్ రూంలో చూసుకున్న ఈ చిత్ర బృందంకు కొన్ని కీలక సీన్స్ సరిగా వచ్చినట్టు లేదని అనిపించిందట. దాంతో.. ఆ సీన్స్ మళ్లీ రీ షూట్ చేసే పనిలో ఉన్నారని తెలిసింది. నాగార్జునతో పాటు అందరు కీలక నటీనటులు మళ్ళీ రీ-షూట్ లో పాల్గొంటున్నారు. మేజర్ గా కొన్ని సీన్స్ మాత్రమె కావడం వలన ఈ చిత్ర టీం రీ షూట్ చేస్తోంది. ఈ రీ-షూట్ కంప్లీట్ త్వరగా కంప్లీట్ చేసి.. ఆడియో, సినిమా విడుదల తేదీలను ప్రకటించాలని యూనిట్ భావిస్తోందని తెలిసింది.

కళ్యాణ్ కృష్ణ దర్శకుడిగా పరిచయం కానున్న ‘సోగ్గాడే చిన్ని నాయనా’ సినిమా అన్నపూర్ణ స్టూడియోస్ బ్యానర్ పై నిర్మిస్తున్నారు. ఈ సినిమాకి నిర్మాత రాధా మోహన్ కథ, స్క్రీన్‌ప్లే అందించారు. ఆగష్టు 29న నాగార్జున బర్త్ డే కానుకగా రిలీజ్ చేసిన ఫస్ట్ టీజర్ కి సూపర్బ్ రెస్పాన్స్ వచ్చింది. త్వరలోనే మరిన్ని వివరాలను అధికారికంగా ప్రకటించనున్నారు.

AS