ఎట్టకేలకు వరుణ్ ఆ పని కానిచ్చేశాడు!

Posted: 09/19/2015 01:49 PM IST

Varun tej completes dubbing for kanche movie

వరుణ్ హీరోగా క్రిష్ దర్శకత్వంలో రూపొందిన తాజా చిత్రం ‘కంచె’ ఇండస్ట్రీలో క్రేజీ ప్రాజెక్ట్ గా మారిపోయింది. ఇటీవల ఈ చిత్రానికి సంబంధించి విడుదలైన ట్రైలర్ చాలా అద్భుతంగా వుండటంతో ఈ సినిమా విడుదల కోసం అభిమానులు ఆసక్తిగా ఎదురుచూస్తున్నారు. పైగా.. రెండో ప్రపంచ యుద్ధ నేపథ్యానికి, ఒక ప్రేమకథకు ముడిపెట్టి విలక్షణ దర్శకుడు క్రిష్ రూపొందించిన ఈ సినిమా ద్వారా తెలుగు సినీ ప్రేక్షకులు ఒక సరికొత్త అనుభూతికి లోనవుతారని సినిమా యూనిట్ చెబుతోంది. ఏదేమైనా.. ఈమధ్య విడుదలైన ట్రైలర్ ఈ సినిమా రేంజ్ ని భారీగా పెంచేసిందని చెప్పడంలో ఎటువంటి అతిశయోక్తి లేదు.

ఇదిలావుండగా.. ఈ సినిమా విషయంలో ఎన్నో జాగ్రత్తలు పాటిస్తున్న యూనిట్ పోస్ట్ ప్రొడక్షన్ పనులను శరవేగంగా పూర్తి చేస్తోంది. అక్టోబర్ 2న పెద్దఎత్తున విడుదల కానున్న ఈ సినిమా పోస్ట్ ప్రొడక్షన్ కార్యక్రమాలన్నీ చివరిదశకు చేరుకోగా.. వరుణ్ తేజ్ తన పార్ట్‌కు డబ్బింగ్ పూర్తి చేసేశాడు. ఇక చివరగా మిగిలిన ప్యాచ్ వర్క్ ను పూర్తి చేసే పనిలో యూనిట్ నిగ్నమైంది. ఈ చిత్రం ఘన విజయం సాధిస్తుందని యూనిట్ భావిస్తోంది. ఇక చిరంతన్ భట్ అందించిన మ్యూజిక్ కూడా మంచి రెస్పాన్స్ తెచ్చుకుంటోంది. తనదైన మార్క్ సినిమాలతో మెప్పిస్తూ వస్తోన్న క్రిష్, ఈ సినిమా ద్వారా అందరినీ ఆశ్చర్యపరచే కథతో రానున్నారని తెలుస్తోంది. వరుణ్ తేజ్ సరసన ఈ సినిమాలో ప్రగ్యా జైస్వాల్ హీరోయిన్‌గా నటించింది.