రేపే చీకటిరాజ్యం కొత్త పోస్టర్ విడుదల

Posted: 09/03/2015 02:00 PM IST

Kamal hassan cheekati rajyam movie new poster release date

‘ఉత్తమ విలన్’, ‘పాపనాశం’ చిత్రాల తర్వాత కమల్ హాసన్ నటిస్తున్న తాజా చిత్రం ‘తూంగవనం’. తెలుగులో ఈ చిత్రాన్ని ‘చీకటి రాజ్యం’ పేరుతో విడుదల చేస్తున్నారు. రాజ్ కమల్ ఫిలింస్ ఇంటర్నేషనల్ పతాకంపై రాజేష్ ఎం.సెల్వని దర్శకత్వంలో ఎన్.చంద్రహాసన్ నిర్మిస్తున్నారు.

హైదరాబాద్, చెన్నైలోని పలు అందమైన ప్రదేశాల్లో కేవలం 40 రోజుల్లోనే ఈ చిత్ర షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. కమల్ ఈ సినిమాకు కథ-కథనాలను అందించడంతో పాటు స్వయంగా నిర్మిస్తున్నారు.

ఒకే ఒక్క రాత్రి జరిగే వినూత్నమైన కథతో తెరకెక్కుతున్న ఈ చిత్రంలో కమల్ చాలా కొత్త లుక్ లో కనిపించబోతున్నాడు. కమల్ సరసన త్రిష హీరోయిన్ గా నటిస్తుంది. నటి మధుశాలిని ఓ కీలక పాత్రలో నటిస్తుంది. గిబ్రాన్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు.

సెప్టెంబర్ 4న ‘చీకటి రాజ్యం’ సినిమాకు సంబంధించిన ఓ సరికొత్త పోస్టర్ ను విడుదల చేయనున్నారు. ఈ చిత్రానికి సంబంధించిన అన్ని వివరాలను సెప్టెంబర్ 4న చిత్ర యూనిట్ అధికారికంగా ప్రకటించనున్నారు. ఈ చిత్రాన్ని తెలుగు, తమిళం భాషలలో ప్రపంచ వ్యాప్తంగా విడుదల చేయనున్నారు.