సెప్టెంబర్ 9న గుంటూర్ టాకీస్ ట్రైలర్ విడుదల

Posted: 09/03/2015 01:51 PM IST

‘చందమామ కథలు’ చిత్రంతో దర్శకుడిగా జాతీయ అవార్డును సొంతం చేసుకున్న దర్శకుడు ప్రవీణ్ సత్తారు తెరకెక్కిస్తున్న తాజా చిత్రం ‘గుంటూరు టాకీస్’. ఆర్.కె.స్టూడియోస్ పతాకంపై రాజ్ కుమార్.ఎం నిర్మిస్తున్నారు. సిద్ధు, రాష్మీగౌతం, శ్రద్ధదాస్, నరేష్ విజయ్ కృష్ణ, మహేష్ మంజ్రేకర్, రాజా రవీంద్ర, స్నిగ్ధ, తాగుబోతు రమేష్ తదితరులు ముఖ్యపాత్రలు పోషిస్తున్నారు.

ఇప్పటికే విడుదలైన పోస్టర్లు, మేకింగ్ వీడియోలకు మంచి రెస్పాన్స్ వచ్చింది. విభిన్నమైన కామెడీ ఎంటర్ టైనర్ గా రూపొందుతున్న ఈ చిత్రం ద్వారా ఎలాంటి మెసేజ్ ఇవ్వకుండా తెరకెక్కిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. సెప్టెంబర్ 9న ఈ సినిమా ట్రైలర్‌ను విడుదల చేయనున్నట్లు సినిమా యూనిట్ తెలిపింది.

త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. ఈ చిత్రానికి సంబంధించిన మరిన్ని వివరాలు అధికారికంగా ప్రకటించనున్నారు. ఈ చిత్రానికి నృత్యాలు: గణేష్ మాస్టర్, సంగీతం: శ్రీచరణ్ పాకాల, చాయాగ్రహణం: రామ్ రెడ్డి, కూర్పు: ధర్మేంద్ర కాకరాల, నిర్మాణం: ఆర్.కె.స్టూడియోస్, నిర్మాత: రాజ్ కుమార్.ఎం, రచన-దర్శకత్వం: ప్రవీణ్ సత్తారు.