ప్రేమలో పడితే జీవితం నాశనం అవుతుందంటున్న లిప్ లాక్ భామ

Posted: 08/25/2015 10:17 AM IST

ప్రతి అమ్మాయి కూడా మంచి మనసున్న వ్యక్తిని, లేదా బాగా ప్రేమించే వ్యక్తిని పెళ్లిచేసుకోవాలంటూ రకరకాల కళలు కంటూవుంటుంది. కానీ పెళ్లి చేసుకోకుండా కూడా చాలా మంది ఆడవాళ్లు తమ జీవితాన్ని కొనసాగిస్తున్నారు. అలాంటి జాబితాలోకి ఇటీవలే ఇంటర్మీడియట్ పూర్తి చేసుకున్న తమిళ యువ హీరోయిన్ లక్ష్మీ మీనన్ కూడా చేరిపోతానంటోంది.

ఇప్పటివరకు హోమ్లీ పాత్రలలో నటించిన లక్ష్మీ మీనన్... ఈమధ్యనే హాట్ హాట్ గ్లామర్ పాత్రలలో, లిప్ లాక్ సన్నీవేశాలలో కూడా నటిస్తూ పిచ్చెక్కిస్తోంది. అయితే ఈ అమ్మడు గతకొద్ది కాలంగా ఎవరితోనో ప్రేమాయణం కొనసాగిస్తోందంటూ కోలీవుడ్ లో వార్తలు వినిపిస్తున్నాయి.

ఈ అమ్మడి వద్ద తన పెళ్లి ప్రస్తావన గురించి ప్రశ్నిస్తే... పెళ్లికి నో చెప్పేస్తుంది. ఇప్పటికే ఈ అమ్మడి వెంట చాలా మంది ప్రేమిస్తున్నానని వెంటపడ్డారట. కానీ ఈ అమ్మడు అలాంటివేం పట్టించుకోలేదట. ఎవరైనా తనతో సన్నిహితంగా వుంటూ ప్రేమిస్తున్నానని అంటే వారితో మాట్లాడటం మానేస్తానని చెబుతోంది. అంతే కాకుండా ప్రేమలో పడితే జీవితమే నాశనం అవుతుందని, అందుకే పెళ్లి చేసుకోవడం ఇష్టం లేదంటూ లక్ష్మీ మీనన్ చెబుతోంది.

మరి ఈ అమ్మడు ఎవరితోనే ప్రేమ విఫలం కావడం వలనే ఇలా మాట్లాడుతుందని కోలీవుడ్ జనాలు కామెంట్లు చేస్తున్నారు. అయితే ప్రస్తుతం ఈ అమ్మడు అజిత్ హీరోగా నటిస్తున్న చిత్రంలో ఆయనకు చెల్లెలి పాత్రలో నటిస్తుంది. అలాగే జయం రవితో ఓ హర్రర్ సినిమాలో నటించడానికి సిద్ధమవుతుంది. త్వరలోనే ఈ రెండు చిత్రాలు ప్రేక్షకుల ముందుకు రానున్నాయి.