విశాల్ జయసూర్య ఆడియో విడుదల

Posted: 08/24/2015 10:18 AM IST

తెలుగులో విశాల్, కాజల్ జంటగా తెరకెక్కుతున్న తాజా చిత్రం ‘జయసూర్య’. తమిళంలో ఈ చిత్రాన్ని ‘పాయుం పులి’తో విడుదల చేస్తున్నారు. తెలుగులో జవ్వాజి రామాంజనేయ సమర్పణలో సాయిచంద్ర ఫిలింస్, సర్వంత్ రామ్ క్రియేషన్స్ బ్యానర్స్ పై జి.నాగేశ్వర రెడ్డి, ఎస్. నరసింహ ప్రసాద్ అందిస్తున్నారు.

సుశీంద్రన్ దర్వకత్వంలో తెరకెక్కిన ఈ చిత్రానికి డి.ఇమాన్ సంగీతం అందించారు. ఈ చిత్ర ఆడియో విడుదల కార్యక్రమం ఇటీవలే హైదరాబాద్ లో ఘనంగా జరిగింది. ఈ కార్యక్రమానికి హీరో విశాల్, హీరోయిన్ కాజల్ తో పాటు పలువురు సినీ ప్రముఖులు హాజరయ్యారు. ఆడియో సీడీలను దర్శకుడు కొరటాల శివ విడుదల చేసి తొలి సీడిని నాని, సుశాంత్ లు అందుకున్నారు.

థియేటర్ ట్రైలర్ ను నాని, సుశీంద్రన్ విడుదల చేసారు. వి మ్యూజిక్ ద్వారా ఈ ఆడియో మార్కెట్లోకి విడుదల అయ్యింది. ఈ సినిమాలో విశాల్ పవర్ ఫుల్ పోలీస్ ఆఫీసర్ పాత్రలో నటిస్తున్నాడు. లవ్, మాస్, యాక్షన్ ఎంటర్ టైనర్ గా రూపొందతున్న ఈ చిత్రాన్ని తెలుగు, తమిళం భాషలలో సెప్టెంబర్ 4వ తేదిన విడుదల చేయనున్నారు.