హాట్ కిల్లర్ గా మతిపోగొడుతున్న త్రిష

Posted: 08/19/2015 12:25 PM IST

సౌత్ ఇండియన్ స్టార్ హీరోయిన్ త్రిష ప్రస్తుతం వరుస చిత్రాలతో చాలా బిజీగా వుంది. ఈ అమ్మడు నటిస్తున్న సినిమాలన్నీ కూడా ఘనవిజయం సాధిస్తుండటంతో అవకాశాలు బాగా పెరిగాయి. అంతగా భారీ క్రేజ్ ను సంపాదించుకున్న త్రిష... ఇప్పటి వరకు అన్ని గ్లామర్ పాత్రలే చేసింది. అయితే ఇపుడు ఓ హర్రర్ సినిమాతో భయపెట్టడానికి రాబోతుంది.

త్రిష ప్రస్తుతం నటిస్తున్న తాజా చిత్రం ‘నాయగి’. తెలుగులో ఈ చిత్రాన్ని ‘నాయకి’ పేరుతో రూపొందిస్తున్నారు. ‘లవ్ యు బంగారమ్’ ఫేమ్ గోవి దర్శకత్వంలో ‘లక్ష్మిరావే మా ఇంటికి’ సినిమాను నిర్మించిన మామిడిపల్లి గిరిధర్ ఈ చిత్రాన్ని నిర్మిస్తున్నారు. తెలుగు, తమిళ, కన్నడ భాషలలో ఒకేసారి ఈ చిత్రాన్ని తెరకెక్కిస్తున్నారు.

తాజాగా ‘నాయగి’ చిత్రానికి సంబంధించిన ఫస్ట్ లుక్ పోస్టర్లను విడుదల చేసారు. ఇందులో త్రిష చాలా రొమాంటిక్ కిల్లర్ గా కనిపిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతోంది. త్వరలోనే ఈ చిత్రాన్ని తెలుగు, తమిళం భాషలలో విడుదల చేయనున్నారు.