అభిమానులకు యంగ్ టైగర్ స్పెషల్ గిఫ్ట్

Posted: 08/11/2015 07:07 PM IST

ఇండస్ట్రీలో వున్న స్టార్ హీరోలందరికీ ఫ్యాన్ ఫాలోయింగ్ ఎంతమేర వుందో ప్రత్యేకంగా చెప్పుకోవాల్సిన అవసరం లేదు. తమ అభిమాన నటుడి సినిమా విడుదలవుతుందంటే చాలు.. ఆ రోజంతా పండగలా సంబరాలు జరుపుకుంటారు. థియేటర్ల దగ్గర ఉదయం నుంచి టికెట్ల కోసం పాగా వేసుకుని కూర్చుంటారు. ఆ సినిమా హిట్ కావాలని కోరుకుంటూ ప్రత్యేక పూజా కార్యక్రమాలు కూడా నిర్వహిస్తారు. అంతగా తమ హీరోలను ఫ్యాన్స్ ఆదరిస్తారు. ఈ విధంగా తమని ఆదరించే అభిమానుల కోసం హీరోలు అప్పుడప్పుడు వారిని తమదైన రీతిలో సంతోష పెడుతుంటారు. ఆ తరహాలోనే ఇప్పుడు యంగ్ టైగర్ ఎన్టీఆర్ ఓ స్పెషల్ గిఫ్ట్ తో సర్ ప్రైజ్ చేయనున్నాడని సమాచారం.

ఇంతకీ ఎన్టీఆర్ ఇవ్వనున్న ఆ కానుకేంటి..? అది ఎప్పుడు ఇవ్వబోతున్నాడు..? అని అనుకుంటున్నారు. ఆ గిఫ్ట్ ఏమిటంటే.. ఎన్టీఆర్ తన తాజా చిత్రానికి సంబంధించిన ఓ స్పెషల్ స్టిల్ ను స్వాతంత్ర్య దినోత్సవం సందర్భంగా విడుదల చేసి... ఫ్యాన్స్ ను సంతోషపెట్టనున్నాడని ఫిలింనగర్ న్యూస్. ప్రస్తుతం ఎన్టీఆర్ హీరోగా సుకుమార్ దర్శకత్వంలో ఓ సినిమా రూపొందుతున్న విషయం తెలిసిందే! ‘నాన్నకి ప్రేమతో’ అనే టైటిల్ పరిశీలనలో వున్న ఈ మూవీలో రకుల్ ప్రీత్ సింగ్ కథానాయికగా నటిస్తోంది. ప్రస్తుతం ఈ సినిమా షూటింగ్ లండన్ లో శరవేగంగా జరుగుతోంది. ఈ చిత్రంలోని ఓ స్పెషల్ స్టిల్ నే ఆగస్టు 15 సందర్భంగా తన అభిమానులకు గిఫ్టుగా రిలీజ్ చేయనున్నాడు. ఆ స్టిల్ లో ఎన్టీఆర్ గతంలో ఎన్నడూలేని విధంగా సరికొత్త లుక్ లో కనిపించనున్నాడు.

ఇప్పటికే ఎన్టీఆర్ డిఫరెంట్ హెయిర్ స్టైల్, గెడ్డంతో కనిపించాడు. కానీ.. ఈ సినిమా ఫస్ట్ లుక్ లో మాత్రం మరింత స్పెషల్ గా కనువిందు చేయనున్నాడు. ‘టెంపర్’ తర్వాత కాస్త గ్యాప్ తీసుకున్న ఎన్టీఆర్ కొత్త సినిమాలో నటిస్తుండటంతో.. ఆ మూవీ ఫస్ట్ లుక్ కోసం అభిమానులు తెగ వెయిట్ చేస్తున్నారు. మొత్తానికి ఎన్టీఆర్ తన ఫ్యాన్స్ ని ఖుషీ చేసేందుకు మరోమారు సన్నద్ధమవుతున్నాడన్నమాట.

AS