చిరు పసివాడే ‘భజ్రంగీ భైజాన్’కు మూలం

Posted: 07/22/2015 04:11 PM IST

Bajrangi bhaijaan inspired from chiranjeevi film

బాలీవుడ్ స్టార్ హీరో సల్మాన్ ఖాన్, కరీనా కపూర్ హీరోహీరోయిన్లుగా నటించిన తాజా చిత్రం ‘భజ్రంగీ భైజాన్’. ఈ చిత్రం ఇటీవలే విడుదలై బాక్సీఫీస్ ను కలెక్షన్లతో మోత మోగిస్తుంది. విడుదలైన కొద్దిరోజుల్లోనే 100 కోట్ల కలెక్షన్లను రాబట్టింది. ఈ చిత్రానికి ప్రముఖ తెలుగు రచయిత విజయేంద్ర ప్రసాద్ కథను అందించారు.

ఈ చిత్ర ట్రైలర్ విడుదలైన క్షణం నుంచి ఈ చిత్రం మెగాస్టార్ చిరంజీవి నటించిన ‘పసివాడి ప్రాణం’ చిత్రం తరహాలోనే ‘భజ్రంగీ భైజాన్’ చిత్రం వుండబోతుందని అందరూ కామెంట్ చేసారు. ‘భజ్రంగీ భైజాన్’ విడుదలైన తర్వాత ఆ కామెంట్లు మరింత ఎక్కువయ్యాయి. కానీ ఇదే విషయంపై రచయిత విజయేంద్రప్రసాద్ కూడా స్పష్టం చేసాడు.

విజయేంద్రప్రసాద్ మాట్లాడుతూ... చిరంజీవి నటించిన ‘పసివాడి ప్రాణం’ చిత్రం అప్పట్లో నన్ను బాగా కదిలించింది. ఆ చిత్రాన్ని పూర్తి మార్చులు, చేర్పులతో కాంటెంపరరీ టచ్ ఇచ్చి చేయాలనుకున్నానని, కానీ ఈలోగా తాను ఓ పాకిస్థానీ జంట తమ కుమార్తెకు గుండె ఆపరేషన్ నిమిత్తం అక్కడ ఖర్చుకు భరించలేక ఇండియాకు వచ్చి ఆపరేషన్ చేయించుకున్నట్లుగా మీడియాలో వార్త చూసానని.. అందుకే ఆ కథను సిద్ధం చేసానని అన్నారు.

ఏదేమైనా కూడా ‘భజ్రంగీ భైజాన్’ చిత్రం బాలీవుడ్ లో రికార్డుల మోత మ్రోగిస్తుంది. సల్మాన్ సినిమాలో వుండే భారీ యాక్షన్, డాన్సులు వంటివి ఈ సినిమాలో లేకపోయినప్పటికీ... ఈ సినిమా మాత్రం అందరికీ తెగ నచ్చేస్తుంది. పాజిటివ్ టాక్ తో అన్నిచోట్ల పాజిటివ్ టాక్ తో నడుస్తుంది.