ఇటు బాహుబలి.. అటు భజ్రంగీ భైజాన్.. ఫుల్ ఖుషీ!

Posted: 07/18/2015 10:02 AM IST

Vijayendra prasad happy with bajrangi bhaijaan film success

తెలుగులో పవర్ ఫుల్ యాక్షన్ డ్రామా చిత్రాల కథల రచయితగా విజయేంద్రప్రసాద్ కు మంచి పేరు వున్న విషయం తెలిసిందే. తన తనయుడు ఎస్.ఎస్.రాజమౌళి తెరకెక్కించిన దాదాపు అన్ని చిత్రాలకు విజయేంద్రప్రసాద్ కథను అందించారు. అవన్నీ కూడా బ్లాక్ బస్టర్ హిట్స్ గా నిలిచాయి.

తాజాగా విజయేంద్ర ప్రసాద్ ‘బాహుబలి’ చిత్రానికి కథను అందించారు. ఆ సినిమా ప్రపంచ వ్యాప్తంగా విడుదలై కొత్త రికార్డులు క్రియేట్ చేస్తూ, భారీ కలెక్షన్లు రాబడుతోంది. అలాగే తాజాగా హిందీలో సల్మాన్ ఖాన్ హీరోగా నటించిన ‘భజ్రంగీ భైజాన్’ చిత్రానికి కూడా విజయేంద్ర ప్రసాద్ కథను అందించారు.

ఈ సినిమా తాజాగా ‘రంజాన్’ పండగా సంధర్భంగా నిన్న(జులై17) గ్రాండ్ గా విడుదలయ్యింది. మొదటిరోజు నుంచే పాజిటివ్ టాక్ ను సొంతం చేసుకుంది. విజయేంద్రప్రసాద్ కథకు చిత్ర దర్శకుడు కభీర్ ఖాన్ అద్భుతంగా తెరకెక్కించాడు. ఈ సినిమాకు కేవలం కథను అందించడమే కాకుండా దర్శకుడితో పాటు కలిసి విజయేంద్ర ప్రసాద్ స్ర్కీన్ ప్లేను కూడా అందించారు.

భారీ అంచనాలతో విడుదలైన ఈ చిత్రం భారీ ప్రశంసలను అందుకుంటోంది. సల్మాన్ ఖాన్, కరీనా కపూర్ జంటగా నటించిన ఈ చిత్రం ఎలాంటి విజయం సాధించి, ఎన్ని కలెక్షన్లు రాబట్టనుందో మరికొద్ది రోజుల్లోనే తెలియనుంది.